150 чалавек эвакуявалі з віцебскай стаматалагічнай паліклінікі пры пажары
Больш за 150 чалавек былі эвакуяваны 2 красавіка з Віцебскай гарадской клінічнай стаматалагічнай паліклінікіз-за пажару.
Як паведамілі ў Віцебскім абласным упраўленні МНС, у 11.59 паступіла паведамленне аб задымленні на трэцім паверсе паліклінікі. Па прыбыцці да месца выкліку падраздзяленняў МНС назіралася моцнае задымленне на трэцім паверсе трохпавярховага цаглянага будынка медустановы, гарэла маёмасць у кладоўцы артапедычнага аддзялення.
Будынак абсталяваны сістэмай аўтаматычнай пажарнай сігналізацыі і сістэмай моўнага абвяшчэння, якія ў выніку пажару спрацавалі. Работнікамі падраздзяленняў МНС з будынка былі выратаваны тры чалавекі. Сумесна з работнікамі паліклінікі з будынка былі эвакуяваны 156 чалавек — работнікі і наведнікі.
Агнём у памяшканні кладоўкі пашкоджаны камп’ютарны стол і камп’ютар. Прычына пажару і ўрон устанаўліваюцца.
Каментары