Кіраўніца прэс‑службы ўкраінскага прэзыдэнта Ларыса Мудрык заявіла «НН», што на дадзены момант візыт пакуль не плянаваўся, аднак па пытаньні сустрэчы двух прэзыдэнтаў працуе рабочая група.
Кіраўніца прэс‑службы ўкраінскага прэзыдэнта Ларыса Мудрык заявіла «НН», што на дадзены момант візыт пакуль не плянаваўся, аднак па пытаньні сустрэчы двух прэзыдэнтаў працуе рабочая група.
6 сакавіка прэзыдэнт Украіны Віктар Юшчанка заявіў, што праз тыдзень у яго зь візытам будзе Аляксандар Лукашэнка. Аднак праз тыдзень гэты візыт не адбыўся. Лукашэнка гэтымі днямі адпачывае ў Сочах, а Юшчанка на гэтым тыдні браў удзел ва ўрачыстасьцях з нагоды дня нараджэньня Шаўчэнкі й накіроўваецца ў Данію.
Кіраўніца прэс‑службы ўкраінскага прэзыдэнта Ларыса Мудрык заявіла «НН» заявіла, што на дадзены момант візыт пакуль не плянаваўся, аднак па пытаньні сустрэчы двух прэзыдэнтаў працуе рабочая група, якая і мусіць вызначыць дату сустрэчы. «Калі прыкладна яна адбудзецца, пакуль рана гаварыць», ‑‑ адзначыла яна.
Меркавалася, што Ўкраіна можа стаць пасярэднікам у перамовах Беларусі з Захадам. Ёсьць вэрсія, што сустрэча Лукашэнкі зь Юшчанкам адкладзеная на просьбу эўрасаюзаўскай дыпляматыі да 25 Сакавіка. Ход маніфэстацыі можа засьведчыць, наколькі беларускі ўрад гатовы суцішыць рэпрэсіі супраць іншадумцаў — умова Захаду для дыялёгу.
Другую вэрсію адкладу агучылі маскоўскія палітолягі: афіцыйны Менск чакае адказу ад расейскага боку па крэдыту і таму не зацікаўлены пакуль у візыце ва Ўкраіны.
Цяпер чытаюць
Фізік з Акадэміі навук пераехаў на працу ў Польшчу. Падчас візіту ў Беларусь яго арыштавалі за палітыку і кінулі ў калонію16
Каментары