Улады Сірыі афіцыйна запэўнілі спецыяльнага міжнароднага пасланца Кофі Анана, што з 6 гадзін раніцы ў чацвер 12 красавіка будуць трымацца ўмоваў замірэння, прапанаванага Ананам.
У лісце Анану з сірыйскага міністэрства замежных спраў, аднак, гаворыцца, што
Дамаск пакідае за сабой права адказваць на магчымыя напады з боку ўзброеных атрадаў апазіцыі.
Са словаў Кофі Анана, ён працягне кансультацыі з уладамі Сірыі і іх праціўнікамі, каб дамагчыся захавання ўсіх пунктаў прапанаванага ім мірнага плану.
Улады Іарданіі паведамілі сёння, што на тэрыторыі краіны знаходзяцца 95000 уцекачоў з Сірыі. Яшчэ 25 тысяч чалавек збеглі ў Турцыю.
Агульная колькасць ахвяр канфлікту ў Сірыі ацэньваецца больш чым у 9 тысяч чалавек.
Каментары