У выніку комплексу аператыўна-вышуковых мерапрыемстваў супрацоўнікамі ГУУС Мінгарвыканкама на мінулым тыдні былі затрыманы пяцёра грамадзян Егіпта, якія незаконна прыбылі на тэрыторыю Беларусі з мэтай далейшага выезду ў краіны Еўрасаюза. Падчас праверкі высветлілася, што затрыманыя раней удзельнічалі ў баявых дзеяннях на тэрыторыі Егіпта і накіроўваліся ў ЕС з экстрэмісцкімі мэтамі.
Як паведамілі ў ГУУС, у выніку агляду затрыманых (адзін з іх меў яўныя сляды нядаўняга агнястрэльнага ранення) і ручной паклажы ў аператыўнікаў з'явіліся сумненні ў тым, што гэтыя грамадзяне маюць дружалюбныя мэты. У далейшым, падчас іх апытання, стала зразумела, што члены групы ўдзельнічалі ў баявых дзеяннях на тэрыторыі Егіпта, маюць вопыт выкарыстання агнястрэльнай зброі і выбуховых рэчываў. Затрыманыя расказалі, што прыбылі ў Беларусь нелегальна з мэтай далейшага выезду ў краіны Еўрасаюза. Пры гэтым з іх тлумачэнняў вынікала, што асноўнай мэтай іх міграцыі з'яўляецца ўдзел у падпольным руху супраціўлення, які скіраваны на супрацьстаянне грамадска-палітычнаму ладу еўрапейскіх дзяржаў. Паводле іх інфармацыі, цяпер беларускім бокам аслаблены кантроль перамяшчэння нелегальных мігрантаў, і менавіта таму шлях іх групы ляжаў цераз тэрыторыю нашай краіны.
Побач з Лукашэнкам на хакеі з'явілася новая прыгажуня10
Каментары