Аб'яўлены конкурс на назву для першага ў Беларусі аквапарку
Пераможца атрымае бестэрміновы абанемент на дзве персоны.
Першы ў Беларусі аквапарк аб'яўляе конкурс на найлепшую назву забаўляльнага комплексу, піша «Вечерний Минск».
Свае прапановы можна дасылаць па адрасе: праспект Ракасоўскага, 44, Мінск, 220095, з паметкай «Аквапарк», а таксама на электронны адрас [email protected].
Пераможца будзе абвешчаны 1 чэрвеня — у Міжнародны дзень абароны дзяцей. Шчасліўчык атрымае бестэрміновы абанемент у аквапарк на дзве персоны.
Што тычыцца самога аквапарку, то яго адкрыццё намечана на сакавік 2013 года. Комплекс размесціцца ў раёне праспекта Пераможцаў на тэрыторыі, прылеглай да вадасховішча Дразды. Па сваёй велічыні аквапарк стане пятым у Еўропе. Улетку яго адначасова змогуць наведваць 7,8 тысячы чалавек, у халодны час года — 6,7 тысячы.
Каментары