Тураўская епархія пракаментавала з’яўленне на дрэве ў Хойніцкім раёне «аблічча Багародзіцы»
Тураўская епархія пракаментавала з’яўленне на дрэве ў вёсцы Губарэвічы Хойніцкага раёна «аблічча Багародзіцы». Пра «цуды» ў Хойніцкім раёне, звязаныя з праяўленнем на вязе ў вёсцы Губарэвічы «аблічча Багародзіцы», паведамілі дзяржаўныя тэлеканалы.
У навінах гаварылася, што ў адселеную вёску едуць сотні паломнікаў, каб убачыць і пакланіцца абліччу на дрэве, якое раптам з’явілася. Людзі нясуць да дрэва цукеркі, яблыкі, кветкі, абвязалі «цудатворны» вяз ручнікамі. Паводле расповеду мясцовых жыхароў, да 1938 года недалёка ад вязу стаяла вясковая царква, у якой знаходзіўся цудатворны абраз Божай Маці. Мясцовыя мяркуюць, што прыезджыя паломнікі паверылі, што контур цудатворнага абраза адпячатаўся на дрэве.
Інфармацыйны аддзел Тураўскай епархіі распаўсюдзіў каментарый адносна «з’яўлення цудатворнага аблічча».
«Першыя дакументальныя звесткі пра храм у вёсцы Губарэвічы знаходзім у канцы XVIII стагоддзя. З кліравых ведамасцяў вядома, што храм да 1795 года быў уніяцкім, а затым — праваслаўным.
«Апошнімі днямі ў Тураўскае епархіяльнае ўпраўленне стала паступаць інфармацыя датычна „праяўлення абраза Багародзіцы“ на зрэзе дрэва ў вёсцы Губарэвічы. Гэты зрэз быў зроблены ў 2010 годзе, аб чым сведчаць новыя акругленні маладой кары, што гаворыць пра тое, што зрэз нясвежы. На гэтым зрэзе магчыма ўбачыць акругленні правага пляча і галавы, калі ўявіць сабе вобраз.
Каментарыі мясцовых жыхароў пра цудатворны абраз Божай Маці не маюць пад сабой гістарычнай асновы і не могуць з’яўляцца гістарычным сведчаннем аб царкве Раства Багародзіцы ў вёсцы Губарэвічы. Царква будзе маліцца, каб Гасподзь паказаў свой промысел», — пракаментавала епархія «цуд».
Каментары