Затрыманыя 20 чалавек. Апазіцыя мае намер заснаваць лагер у іншым месцы.
Раніцай у сераду супрацоўнікі расійскай паліцыі ачысцілі лагер апазіцыі на Чыстых прудах, вядомы як «АкупайАбай». Паведамляецца, што затрымана каля 20 чалавек.
Паводле словаў аднаго з лідараў апазіцыі Іллі Яшына, на Чыстых прудах ноччу было каля 100 чалавек.
Днём у аўторак Басманны суд Масквы пастанавіў ліквідаваць лагер апазіцыі, які знаходзіцца там з 8 мая.
«Паліцыя ўжывала сілу і расцягвалі людзей па аўтазаках. Спецсродкі не ўжываліся, бо людзі не аказвалі ніякага супраціву, ды і дзіўна было б яго чакаць ад тых, хто спаў і каго фактычна выцягвалі са спальных мяшкоў», — распавёў Яшын.
Апазіцыя мае намер стварыць новы лагер.Спачатку гаворка ішла аб Трубнай плошчы, але, як распавёў Ілля Яшын і пацвердзіла ў сваім мікраблогу Twitter тэлевядучая Ксенія Сабчак, туды ўжо сцягнутыя сілы паліцыі.
Цяпер актывісты спрабуюць сабрацца на Кудрынскай плошчы,каля жылога гмаху на станцыі метро «Барыкадная». Зараз там знаходзіцца каля 60 чалавек.
Каментары