Жыхары Калодзішчаў патрабуюць змяніць праект забудовы Зялёнага Бору
Грамадскае абмеркаванне забудовы пачалося са скандалу.
На тэрыторыі ў раёне Калодзішчаў гарвыканкам збіраецца ўзвесці каля 5–6 мільёнаў квадратных метраў жылля. Такія маштабныя планы выклікалі засцярогі ў жыхароў Мінскага раёна. Сёння ініцыятыўная група аднесла ў адміністрацыю Партызанскага раёна калектыўную заяву, у якім грамадзяне патрабуюць ад уладаў перагледзець праект забудовы мікрараёна. Пад дакументам — паўтары тысячы подпісаў.
Будаўніцтва Зялёнага Бору, кажуць людзі, паўплывае на жыццё ўладальнікаў участкаў у катэджных пасёлках Утульны кут,
— Лічым, што разам са станоўчымі наступствамі развіцця названага праекта (будаўніцтва дарог, камунікацый, перспектыўная жылая забудова ў непасрэднай блізкасці ад Мінска) існуе і шэраг негатыўных наступстваў, якія закранаюць інтарэсы жыхароў прылеглых тэрыторый, — сказана ў заяве. — У некаторых выпадках прапанаваныя праектныя рашэнні супярэчаць не толькі здароваму сэнсу, але і нарматыўным прававым актам.
У лісце дэталёва апісаныя дапушчаныя парушэнні. Да прыкладу, праектам прадугледжанае размяшчэнне сартавальнай станцыі на паўночным захадзе ад праектаванага мікрараёна. Для гэтага спатрэбіцца пашырэнне наяўнай чыгуначнай галіны Шабаны — Калодзішчы. Пры гэтым, на думку экспертаў, не ўлічаныя патрабаванні, якія змяшчаюцца ў генеральным плане Мінска. У прыватнасці, не абгрунтаванае размяшчэнне гэтых аб’ектаў з прычыны адсутнасці побач прамысловых тэрыторый.
Акрамя таго, любое будаўніцтва на тэрыторыі Рэспубліканскага біялагічнага заказніка «Сціклева» з’яўляецца не толькі парушэннем пастановы Савета Міністраў, але і ставіць пад пагрозу поўнага знікнення рэдкіх відаў раслін, занесеных у Чырвоную кнігу. Парушаныя, лічаць людзі, і іншыя нормы заканадаўства.
Яшчэ адзін праблемны момант — планаванае будаўніцтва ЦЭЦ. Яно, паводле меркавання грамадзян, таксама незаконнае і неабгрунтаванае.
У заяве грамадзяне просяць адправіць праект Зялёнага Бору на перапрацоўку, выключыўшы з яго будаўніцтва сартавальнай станцыі, ЦЭЦ і пашырэнне чыгуначнай галіны. Рэакцыя гарвыканкама на гэтыя патрабаванні пакуль невядомая.
-
«І я пацалую табе руку, калі будуць курчыцца Фукуяма, Леві і Кісінджэр». Як Азаронак фліртаваў з Дугінай
-
Сяргей узяў грошы за кантракт і пайшоў здавацца ў палон пры першай магчымасці. Пакручасты лёс беларуса, які падпісаўся ваяваць за Расію
-
Палітзняволенай фатографцы Наталлі Бачурынскай змякчылі прысуд. Яе выпусцілі на волю
Цяпер чытаюць
Сяргей узяў грошы за кантракт і пайшоў здавацца ў палон пры першай магчымасці. Пакручасты лёс беларуса, які падпісаўся ваяваць за Расію6
Каментары