Дэпутат ультраправых у тэледэбатах напаў на дзвюх жанчын: адну ён абліў вадой, а другую адлупцаваў.
Дэбаты падчас перадвыбарнай кампаніі ў Грэцыі скончыліся сапраўдным пабоішчам у прамым эфіры. Нядаўна абраны дэпутат парламента ад ультраправай партыі «Залаты світанак» (Хрысі Аўгі) Іліас Касідыярыс не стрымаўся і замест аргументаў напаў на дзвюх жанчын.
У твар кандыдату ад левага блока СІРЫЗА ён плюхнуў вадой, а потым ударыў па твары іншую жанчыну, кандыдата ад Камуністычнай партыі.
«Урад асуджае агрэсіўны напад на Ліяну Канелі і Рэну Дору з боку дэпутата ад партыі „Залаты світанак“ Іліяса Касідыярыса — заявіў прадстаўнік грэцкага кабінета Дзімітрыс Цыодрас. — Мы расцэньваем гэта як напад на ўсіх дэмакратычна настроеных грамадзян. Дасягненнем нашай палітычнай культуры з’яўляецца тое, што перадвыбарчая барацьба праходзіць у рамках дэмакратычнага дыялогу. І гэта сапраўдная ганьба — выкарыстаць гвалт у якасці аргументу ў палітычным дыспуце».
Грэцкая пракуратура выдала ордэр на арышт Касідыярыса.Ён страціў фармальны статус дэпутата і недатыкальнасць, бо парламент быў распушчаны
Партыя «Залаты світанак» вядомая сваімі радыкальнымі і антысеміцкімі поглядамі.
Цяпер чытаюць
ДФР кашмарыць транспартнікаў: у вялікіх лагістычных аператараў крымінальныя справы, вобшукі і арышты17
Каментары