Журналіста «Еўрарадыё» Паўла Свярдлова асудзілі на 15 сутак
Ад абеда ля офіса Еўрарадыё дзяжурыць мікрааўтобус з людзьмі ў цывільным.
Журналіста Еўрарадыё Паўла Свярдлова, затрыманага сёння раніцай суд Маскоўскага раёна сталіцы (суддзя -- Таццяна Матыль) прыгаварыў да 15 сутак адміністрацыйнага арышту. Журналіст нібы лаяўся матам.
Адваката, які прыехаў у суд, у залу пасяджэнняў так і не пусцілі. На падставе таго, што журналіст нібыта адмовіўся ад яго паслуг, хоць сам Павел напачатку разбіральніцтва сам запатрабаваў прысутнасці адваката ў судзе. Свярдлова абвінавачвалі ў лаянцы матам.
***
Журналіста Еўрарадыё Паўла Свярдлова пяцёра невядомых у цывільным затрымалі і без усялякіх тлумачэннях закінулі ў мікрааўтобус, а 10 гадзіне раніцы 22 чэрвеня. Дзе ён знаходзіўся некалькі гадзін пасля затрымання, не вядома. Але, а 14 гадзіне журналіст змог патэлефанаваць у рэдакцыю і паведаміць, што знаходзіцца ў судзе Маскоўскага раёна, дзе яго будуць судзіць па артыкуле 117.1 за «дробнае хуліганства».
Між тым, ад абеда ля офіса Еўрарадыё дзяжурыць мікрааўтобус з людзьмі ў цывільным, вельмі падобны да таго, на якім невядомыя забіралі Паўла Свярдлова.
Як паведаміў НН галоўны рэдактар Еўрарадыё Віталь Зыблюк, перашкодаў журналістам людзі ў цывільным пакуль не чыняць. «Нядаўна Еўрарадыё рабіла матэрыял пра метро: журналісты з вялікай сумкай прайшлі маршрутам Канавалава. І ніхто іх ніводнага разу не спыніў. Магчыма, затрыманне Свярдлова — спроба помсты за гэты артыкул», — выказаў сваю версію здарэння В.Зыблюк.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў20
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары