Каб узняць сабе настрой, дастаткова набыць пакуначак семак і наведацца ў парк.
Раніцай, пакуль у парку імя Горкага нешматлюдна, вавёркі больш ахвотна ідуць да рук. Варта пашамацець пакункам з пачастункам, як з дрэва пачнуць накручваць спіралі цікаўныя звяркі.
Адна бяда — галубы. Нахабныя птушкі таксама прыляцяць у вялікай колькасці. І каб пакарміць вавёрку з рук, давядзецца ўвесь час адсыпаць у бок хабар галубам. Хочаце даўжэй паназіраць за вавёрамі, прыхапіце з сабой хлеба для птушак.
Пачаставаўшыся, звяркі могуць зладзіць для вас дадатковае відовішча: вясёлую штурханіну паміж сабой. А то і бойку з галубамі за лепшую семку ці сухарык.
Каментары