Следчым камітэтам Беларусі закончана расследаванне ў дачыненні да галоўнага бухгалтара камунальнага ўнітарнага прадпрыемства «Мінскхлебпрам». Крымінальная справа перададзена пракурору для далейшага накіравання ў суд.
Як паведамілі ў аддзеле інфармацыі і сувязі з грамадскасцю Следчага камітэта, галоўны бухгалтар прадпрыемства абвінавачваецца ў тым, што са снежня 2010 года па канец студзеня 2012 года сістэматычна атрымлівала хабар за спрыяльнае вырашэнне пытанняў па пагашэнні крэдыторскай запазычанасці КУП «Мінскхлебпрам» перад пастаўшчыкамі прадукцыі.
Дзеянні службовай асобы кваліфікаваны па ч. 3 арт. 430 КК (атрыманне хабару ў асабліва буйным памеры). Абрана мера стрымання ў выглядзе зняволення пад варту.
Следствам устаноўлена 28 эпізодаў злачыннай дзейнасці абвінавачванай. Агульная сума хабару склала больш чым 81 млн. рублёў.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары