Гігін адрэагаваў на заявы Лукашэнкі пра самалёт. Нецэнзурна — аўдыё
«Я, б..., радыё «Свабода» нічога, прабачце, нічога ні пацвярджаць, ні абвяргаць не збіраюся».
Галоўны рэдактар часопіса «Беларуская думка» Вадзім Гігін пасля паведамленняў незалежных СМІ аб прылёце ў Беларусь шведcкага самалёта назваў дзяржаўнай інфармацыйнай агенцыі БелТА дзесяць пунктаў, якімі абгрунтаваў немагчымасць такой падзеі.
У артыкуле «Палёты ў сне і на яве» ён выказаў недавер незалежным журналістам і падкрэсліў сваю веру ў моц беларускай дзяржавы.
«Нестыковак, невытлумачальных фактаў, супярэчнасцяў занадта шмат, каб паверыць у гісторыю з перасячэннем мяжы. Навошта ж спатрэбілася гэтая правакацыя? Дыскрэдытаваць беларускія Ўзброеныя Сілы, пасеяць недавер да іх баяздольнасці, ды да таго ж нанесці ўдар наўпрост па генералах, якія не раз даводзілі сваю адданасць Айчыне. Але нічога не ўдасца! І замоўцы гэтай правакацыі, і гаспадары Пачобута (хутчэй за ўсё, гэта адны і тыя ж асобы) выдатна ведаюць сілу і беларускай арміі, і нашай сістэмы СПА. І асабіста я нікому не раю спрабаваць праверыць яе на трываласць», — заявіў тады Вадзім Гігін.
А вось як Вадзім Гігін пракаментаваў «Свабодзе» свае выказванні пасля таго, як прылёт шведскага самалёта ў Беларусь прызнаў Аляксандар Лукашэнка:
«Вы ў свой час выказвалі цвёрдае перакананне, што гэтага самалёта...»
Гігін: «Вы не хлусіце, ніякіх перакананняў я не выказваў наконт самалёта. Вы артыкул прачытайце».
«Але вы свае заявы пацвярджаеце гэтаксама, як і раней, ці...?»
Гігін: «Я, б..., радыё «Свабода» нічога, прабачце, нічога ні пацвярджаць, ні абвяргаць не збіраюся. Зразумела? Вы ператэлефануйце каму-небудзь іншаму. Што вы мне тэлефануеце?!»
Цяпер чытаюць
«Я думаў, мяне не можа нічога здзівіць». На фудкорце ў мінскім ГЦ зрабілі платныя сталы3
Каментары