Факт перасячэння беларускай мяжы зафіксаваны не быў.
Мінабароны Літвы сцвярджае, што ваенна-паветраныя сілы не фіксавалі палёт дваіх шведаў на тэрыторыю Беларусі, падчас якога, як падазраюць, з самалёта выкінулі 1000 плюшавых медзведзянятаў у знак падтрымкі свабоды слова.
Мінабароны паведамляе, што шведскі самалёт у Літве лётаў законна, нягледзячы на тое, што 9 жніўня Адміністрацыя грамадзянскай авіяцыі (АГА) заявіла, што разглядае пытанне, ці не распачаць адміністрацыйную справу за парушэнне правілаў палёту - здзяйсненне міжнароднага палёту, не прадставіўшы яго план.
"Шведскі самалёт на тэрыторыі Літвы знаходзіўся законна.Ён прыляцеў у Літву напярэдадні падзей і прадставіў зацверджаны ў адной з краін ЕС план палёту.
4 ліпеня ВПС ніяк не зафіксавалі факт перасячэння літоўска-беларускай мяжы, таму самалёт, які на час прападаў з поля зроку радара , расцэньваўся як легальны ў паветранай прасторы Літвы", -сказана ў адказе МА агенцтву BNS.
"Авіялайнеры, што законна прыляцелі на тэрыторыю Літвы, не лічацца падазронымі, ВПС не надаюць ім падвышаную ўвагу", - сцвярджае Мінабароны.
Каментары