Беларусь і Расія не абмяркоўваюць сёння планы па размяшчэнню ракет сярэдняй далёкасці на беларускай тэрыторыі ў выглядзе адэкватнага адказу на размяшчэнне амерыканцамі элементаў сістэмы проціракетнай абароны на тэрыторыі Польшчы і Чэхіі. Аб гэтым заявіў сёння прэзідэнт Беларусі Аляксандр Лукашэнка, адказваючы на пытанні журналістаў у час рабочай паездкі па Брэсцкай вобласці.
Каменціруючы змешчаную ў расійскіх СМІ так званую карту адэкватнага адказу амерыканцам, дзе абазначаны месцы размяшчэння расійскіх ракет сярэдняй далёкасці на тэрыторыі Беларусі, Аляксандр Лукашэнка адзначыў: «Я пра такія планы не ведаю, і мы іх не абмяркоўвалі». «Хутчэй за ўсё, — сказаў прэзідэнт, — гэта піяр, як звычайна бывае ў Расіі, і піяр няўдалы. Сёння трэба не піярыць на гэтых пытаннях, а спакойна садзіцца двум прэзідэнтам і прымаць рашэнні аб тым, што будзем рабіць».
Пры гэтым Аляксандр Лукашэнка падкрэсліў, што «без прэзідэнта Беларусі ніхто не мае права ўвезці ў рэспубліку і звычайную ракету, а не тое што з ядзерным начынкай».
«Думаю, сітуацыя падштурхоўвае да таго, што мы з прэзідэнтам Расіі сядзем і акуратна абмяркуем гэтыя праблемы. Але пакуль такога рашэння няма», — сказаў кіраўнік дзяржавы.
Прэзідэнт падкрэсліў, што беларуская армія адказная на заходнім напрамку за бяспеку Саюзнай дзяржавы. «З нас гэту адказнасць ніхто не здымаў, і мы ў аднабаковым парадку, як гэта робіць Расія па нафце і газу, з дагавораў выходзіць не будзем. Гэта наша задача — забяспечыць бяспеку беларускага і расійскага народаў на гэтым напрамку. І мы з гэтага пункту гледжання глядзім на размяшчэнне элементаў амерыканскай сістэмы ПРА у Чэхіі і Польшчы», — дадаў беларускі лідэр.‑0‑
Цяпер чытаюць
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю22
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю2
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары