Большая частка прадалася ў Беларусі.
Як паведамілі прадстаўнікі гурту, квіткі ў 4-тысячную Pramogu Arena раскупілі імгненна.
27 кастрычніка ў сталіцы Літвы адбудзецца прэзентацыя новага альбома «Ляпіса Трубяцкога» «Рабкор». Па словах прадзюсара гурту Яўгена Калмыкова, канцэрт разлічаны найперш на беларусаў. Бо на радзіме каманда забароненая і вымушаная выступаць толькі за мяжой. Разам з тым, консульства Літвы пры наўянасці білета на канцэрт выдае шэнгенскую візу.
Арганізатары запрашаюць наведаць і начную панк-дыскатэку ў клубе Loftas з удзелам DJ Spirin («Тараканы», Расія), Stepan Bitus (Беларусь-Літва).
Па словах Калмыкова, такія вечарынкі пад назвай «Lyapis Crew» стануць адметнасцю на прэзентацыях новага альбома.
Іншыя канцэрты ў падтрымку «Рабкору», на якія могуць трапіць беларусы, пройдуць у Санкт-Пецярбургу (5 кастрычніка), Маскве (12 кастрычніка), Кіеве (20 кастрычніка).
Цяпер чытаюць
Хто прадаў кватэру ў «Маяку Мінска» зніклай Мельнікавай? Такога чалавека не існуе16
Каментары