Літва забараніла ўезд беларускім праціўнікам АЭС, ануляваўшы шэнгенскія візы
Актывісту антыядзернага руху з Астравецкага раёна Мікалаю Уласевічу і актывістцы экалагічнага руху з Мінска Таццяне Новікавай, якія накіроўваліся ў Літву на міжнародную навуковую канферэнцыю па ядзернай бяспецы, літоўскія памежнікі анулявалі шэнгенскія візы.
Паводле Уласевіча, іх трымалі на мяжы 6 гадзінаў. Разабрацца ў сітуацыі прыязджаў нават дэпутат літоўскага сейма Казімірас Уока.
Уласевіч мяркуе, што ў гэтым былі зацікаўленыя тыя, хто збіраецца будаваць атамную станцыю ў Літве. Паколькі і ён, і Новікава збіраліся выступіць на канферэнцыі з аргументамі супраць будаўніцтва атамных станцый наогул у свеце.
Вядома, што ў кастрычніку ў Літве мае адбыцца рэферэндум наконт будаўніцтва атамнай станцыі ў Літве.
Няўдалае тэхнічнае рашэнне дорага абышлося арганізатарам галасавання ў Каардынацыйную раду12
Каментары