Разгледзець магчымасць стварэння сумеснага прадпрыемства па вытворчасці лекаў прапанаваў прэм’ер-міністр Беларусі Міхаіл Мясніковіч свайму ўкраінскаму калегу Мікалаю Азараву 27 верасня ў Ялце, дзе сёння пройдзе пасяджэнне Савет кіраўнікоў урадаў краін СНД.
«Мы просім вас разгледзець магчымасць стварэння сумеснага прадпрыемства ў фармацэўтычнай галіне», — прыводзіць словы Мясніковіча дэпартамент інфармацыі і камунікацый з грамадскасцю сакратарыята Кабінета міністраў Украіны. Кіраўнік беларускага ўрада паведаміў, што краіна штогод імпартуе значны аб’ём лекаў, таму стварэнне СП узаемавыгаднае.
Азараў паабяцаў «вывучыць і разгледзець гэту прапанову, зазначыўшы, што Украіна мае перадавыя тэхналогіі вытворчасці лекаў».
Бакі абмеркавалі таксама «актуальныя пытанні двухбаковага супрацоўніцтва».
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары