Нобелеўскую прэмію па літаратуры атрымаў кітаец Мо Янь — а на беларускую з кітайскай нават ніхто не перакладае
«За рэалізм, які яднае казкі, гісторыю і сучаснасць».
Кітайскі пісьменнік Мо Янь стаў лаўрэатам Нобелеўскай прэміі па літаратуры за 2012 год. Аб гэтым напрэс-канферэнцыі ў Стакгольме абвясціў сакратар шведскай Акадэміі Петэр Энглунд.
У гэтым годзе на прэмію было вылучана 215 літаратараў, а галоўным прэтэндэнтам лічыўся надзвычай папулярны японскі пісьменнік Харукі Муракамі — букмекерскія канторы ацэньвалі яго шанцы надзвычай высока.
Мо Янь, паводле рамана якога Чжан Імоў зняў фільм «Чырвоны гаалян», быў у першай пяцёрцы — ён дзяліўтрэцяе-пятае месцы з канадкай Эліс Мунро і Петэрам Надашам з Венгрыі. Сапраўднае імя пісьменніка Гуань Маё, а псеўданім перакладаецца як «Маўчы».
Мо Яня лічаць паслядоўнікам фантастычнага рэалізму Маркеса, прыхільнікам яркай, гіпертрафаванай мовы, ён не баіцца шокавых апісанняў гвалту і сэксу. За што, дарэчы, пэўны час падвяргаўся «таварыскай крытыцы» ў камуністычнай КНР. Але
Мо Янь — зусім не апазіцыянер.Наадварот, ён намеснік старшыні афіцыйнага саюза пісьменнікаў Кітая. Гэта такі кітайскі Шолахаў.
Мо Янь — другі кітайскі пісьменнік, які стаў лаўрэатам Нобелеўскай прэміі, першым быў Гаа Сінцзянь у 2000 годзе.На беларускую мову з кітайскай зусім ніхто рэгулярна не перакладае. Зрэшты, нават на расейскую мову — прытым што Расея вялікі сусед і геапалітычны супернік Кітая — творы Мо Яня цалкам не перакладаліся. Фрагменты ягонай прозы ў перакладзе былі надрукаваныя ў літаратурных альманахах.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта11
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары