У 2012 годзе на конкурсе бюджэтных грантаў перамаглі ў асноўным патрыятычныя і рэлігійныя праекты, а таксама члены «Агульнарасейскага народнага фронту» (АНФ), які падтрымлівае Пуціна. Аднак у ліку тых, каго падтрымаюць, аказаліся і незалежныя праваабаронцы. Пра гэта піша маскоўская газета «Ведамасці».
Так, за 2,5 млн расійскіх рублёў у Маскоўскай духоўнай акадэміі адкрыюць чытальную залу багаслоўскага цэнтра. 3,5 млн атрымае рух «Каталіцкая спадчына», 1,9 млн — - стараверы на музей ікон. Таксама 1 мільён выдзелены на развіццё будысцкіх СМІ Расіі.
Грошы атрымалі і сацыяльныя праекты: фонду дапамогі збітаму галоўнаму рэдактару «Хімкінскай праўды» Міхаілу Бекетаву пералічаць 600 тысяч на рэабілітацыю журналіста. На 3,7 млн байкеры з «Начных ваўкоў» правядуць традыцыйныя навагоднія яліны для сіротаў.
Самы вялікі грант атрымае член АНФ Федэрацыя незалежных прафсаюзаў, якой на школу прафсаюзаў вылучаюць 12 млн рублёў. Іншы ўдзельнік АНФ, Саюз машынабудаўнікоў, здабыў 3 млн на развіццё
Акрамя таго, 3 мільёны выдзелены корпусу назіральнікаў «За чыстыя выбары» — на прэзідэнцкіх выбарах 2012 года яны былі назіральнікамі ад Пуціна.
У той жа час па 4 мільёны расійскіх рублёў (каля 140 тыс. даляраў) выдзелена Маскоўскай Хельсінкскай групе (МХГ) і руху «За правы чалавека», якія раней атрымлівалі гранты ад USAID, дзейнасць якога ў Расіі была нядаўна забаронена. Кіраўніцу МХГ Лідзію Аляксееву ў мінулым годзе вылучалі на Нобелеўскую прэмію міру разам з Алесем Бяляцкім, беларускім
Каментары