Сорас: Расія і Беларусь цалкам залежаць ад нафты, толькі Расія — ад сваёй, а Беларусь — ад чужой
Мільярдэр і філантроп выступіў у Варшаве ў Польскай акадэміі навук. Сустрэцца з вядомым амерыканцам змаглі навучэнцы, сярод якіх былі і беларусы.
У пачатку 90-х гадоў Джордж Сорас уклаў шмат сродкаў у развіццё навучальных устаноў ва Усходняй Еўропе, каб даць маладым людзям адукацыю свабодную ад марксісцкіх догмаў. Інстытут адкрытага грамадства і фонды Сораса ў розных краінах працягваюць рабіць гэта і сёння, хоць адукацыя ўжо далёка не галоўны напрамак іх дзейнасці.
«Палітыка, якую правозяць ўлады Беларусі і Расеі, бессэнсоўная. Яна вядзе да заняпаду і эканамічнага адставання ад іншых краін свету.Расея мае выдатны інтэлектуальны патэнцыял, але яго не развіваюць у правільным напрамку. Расейскія кіраўнікі атрымліваюць грошы ад нафты і высылаюць іх за межы дзяржавы , так як не вераць ва ўласную краіну. Эканоміка не развіваецца. У доўгатэрміновай перспектыве гэта прывядзе да катастрофы», - заявіў Джордж Сорас.
Мільярдэр упэўнены: перамены непазбежныя, як у Расеі, так і ў Беларусі.
«Вядома, грамадскія пратэсты душацца, аднак у апошнія гады стала патрыятычным крытыкаваць палітыку, якая прыносіць Расеі шкоду, - заявіў ён. - І гэтыя галасы незадаволенасці немагчыма супакоіць, так як яны абсалютна слушныя і ідуць з самога грамадства, нават з істэблішменту. Так што рана ці позна перамены непазбежныя. Аднак пакуль што ўлады Расеі вядуць краіну ў зусім дрэнным кірунку - нават з пункту гледжання чыста расейскіх нацыянальных інтарэсаў.
Што тычыцца Беларусі - гэта эканамічная няўдача нават па расейскіх стандартах. Беларусь не менш залежыць ад нафты, чым Расея, прычым залежная ад чужой нафты, а значыць, залежная ад Масквы».
Варта дадаць, што ў Беларусі Фонд Сораса лукашэнкаўцы забаранілі яшчэ ў 1997 годзе, абвінаваціўшы яго ў падтрымцы апазіцыі і нацыянальнага руху.
-
Каверын: У мяне расце дачка, і я хацеў бы, каб яна жыла, хутчэй, у тым свеце, які ўяўляюць сабе ідэальным феміністкі
-
Паўлючэнка пра вяртанне Пачобута: «Пункт біфуркацыі, пасля якога шмат зменіцца»
-
Фядута пра помнік Паскевічу ў Гомелі: Чыгуннай нагой стане на мяжы з Украінай, дэманструючы, што ўжо беларускую зямлю Пецярбург не аддасць
Цяпер чытаюць
Лукашэнка: Што творыцца ў краіне, у нас усе гэтую гусь круцяць30
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5858
Каментары