На «Нафтане», Мазырскім НПЗ і «Беларуснафце» усталёўваюцца адмысловыя падаткавыя пасты, што маюць кантраляваць прадпрыемствы цягам бліжэйшых трох гадоў.
На «Нафтане», Мазырскім НПЗ і «Беларуснафце» усталёўваюцца адмысловыя падаткавыя пасты, што маюць кантраляваць прадпрыемствы цягам бліжэйшых трох гадоў.
Зьяўленьне на вядучых прадпрыемствах нафтахімічнай прамысловасьці падаткавых пастоў адбудзецца паводле пастановы Савета міністраў № 750 ад 4 чэрвеня 2007 г. Паводле эканамічнага тыднёвіка «Белорусы и рынок», зроблена гэта з прычыны недаверу ўраду да інфармацыі пра рэальны стан у айчыннай нафтахіміі. Паводле экспэртаў, урад проста ня здольны паверыць, што ўчорашнія лідары ў папаўненьні бюджэту валютай, сёньня апынуліся ў складанай эканамічнай сытуацыі. Наступныя 3 гады супрацоўнікі падаткавых органаў будуць зьдзяйсьняць кантроль на тэрыторыі і ў памяшканьнях гэтых прадпрыемстваў. У іх абавязкі ўваходзіць праверка выкананьня падаткавых абавязальніцтваў, адпаведнасьць аб’ёмаў сыравіны канчатковым аб’ёмам атрыманых прадуктаў нафтаперапрацоўкі і г.д.
На сёньня «Нафтан» і Мазырскі НПЗ ня маюць уласных сродкаў ні на закупку сыравіны, ні на абнаўленьне магутнасьцяў. Пры гэтым заводы маюць доўгатэрміновыя праграмы разьвіцьця,згодна якіх «Нафтану» да 2010 г. трэба інвэставаць у мадэрнізацыю вытворчасьці $600 млн, а Мазырскаму НПЗ да 2011 г. — $885,5 млн. З прычыны зьніжэньня рэнтабэльнасьці прадпрыемствы прыпынілі многія свае інвэстыцыйныя праекты.
Хто з палітвязняў выйшаў на свабоду 16 верасня ПОЎНЫ СПІС23
Каментары