Сёлета Беларусь на Ўімблдонскім турніры прадстаўляюць пяцёра тэнісістаў — Макс Мірны, Вікторыя Азаранка, Настасься Якімава, Тацяна Пучак і Вольга Гаварцова. Такой вялікай кампаніяй беларусы яшчэ ніколі не выступалі на турнірах «Вялікага шлему».
У панядзелак на травяных кортах Уімблдону стартаваў трэці тэнісны турнір з сэрыі «Вялікага шлему». Уімблдонскі турнір зьяўляецца найстарэйшым у сьвеце. Першыя спаборніцтвы тут прайшлі яшчэ ў 1887 годзе.
Трэба адзначыць, што пяціразовай пераможцай Уімблдонскага турніру ў пары была беларуска Натальля Зьверава. Пераможцам юніёрскіх спаборніцтваў быў Уладзімер Ваўчкоў, ён жа даходзіў да паўфіналу і ў дарослых спаборніцтвах.
Сёлета Беларусь на Ўімблдонскім турніры прадстаўляюць пяцёра тэнісістаў — Макс Мірны, Вікторыя Азаранка, Настасься Якімава, Тацяна Пучак і Вольга Гаварцова. Такой вялікай кампаніяй беларусы яшчэ ніколі не выступалі на турнірах «Вялікага шлему». Трое з нашых ужо стартавалі на турніры.
Вольга Гаварцова, якая выйшла ў 1/64 з кваліфікацыі, стартавала першай, яшчэ ў панядзелак. Ёй у суперніцы трапілася немка Грэта Арн. Першы сэт аказаўся за суперніцай — 6:7. Аднак пасьля наступіла цемра і матч перанесьлі на заўтра. Перапынак пайшоў на карысьць беларусцы і два наступныя сэты яна выйграла — 7:6 і 6:1.
Максіму Мірнаму зь лёсаваньнем пашанцавала, у супернікі трапіўся ня вельмі зубаты тайванец Лю Енсун. Матч між імі ня быў дагуляны да канца, бо ў трэцім сэце азіят адмовіўся ад працягу барацьбы. Мірны ж выйшаў у наступны раўнд.
Тацяна Пучак досыць лёгка разабралася з украінкай Кутузавай — 6:4, 6:2. У наступным раўндзе яна пазмагаецца з восьмай сеянай Аннай Чэкветадзэ з Расеі.
Сёньня, калі дазволіць надвор’е, свае матчы мусяць правесьці Якімава і Азаранка. У суперніцах у іх адпаведна датчанка Каралін Вазьняцкі і харватка Алена Кастаніч‑Тосіч.
Пакуль што крочым без страт.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары12
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары