Колькі заўвагаў да артыкулу «Іх музыку крадуць» з «НН» ад 21 траўня.
Расейскія нэапаганцы ня вывесілі на сваім інтэрнэт-сайце песьні «Gudy», а пірацкім чынам перавыдалі альбом гурту «Архаічныя абрадавыя спевы», перакруціўшы да таго ж зьмест прадмовы ў патрэбным для сябе «панславісцкім» стылі.
Магчыма, праф.Рагуля і ведае літоўскую мову, калі піша, што слова «gudas», якім «прыбалты» (на справе — толькі літоўцы) называюць беларусаў, азначае «бандыт». Але вось што пішуць пра гэтую назву, спасылаючыся на беларускага навукоўца С.Санька, у літоўскай газэце «Tautininkш Юinios» (нумар за лістапад 2003 г.): «Цікавая рэч, што раней ад Прусіі да Дзукіі [усходняя частка Літвы] літоўцы гудамі называлі таксама і сваіх найбліжэйшых суседзяў — наступныя літоўскія вёскі на ўсход ад сябе. Гэта тлумачаць ад прускага слова «guddi» (кустоўе, зарасьнік): калі з Захаду рушыла хваля крыжакоў-хрысьціянаў і несла новую веру, тыя, хто быў на ўсходзе, заставаліся яшчэ паганцамі і нібыта «хаваліся» ад новай веры ў лясох. Дзеля таго і называліся «гудамі» (падобным чынам узьнікла і нямецкая назва для паганцаў «heide»). З гэтага ўсяго відаць, што і сама назва «гуды» яднае беларусаў ды літоўцаў у адзін гістарычны кантэкст».
Аляксандар Мікус, Менск
Цяпер чытаюць
Хто прадаў кватэру ў «Маяку Мінска» зніклай Мельнікавай? Такога чалавека не існуе19
Каментары