Сябры Беларуска-эўрапейскага задзіночаньня (БЭЗ) і грэка-каталіцкай суполкі сьвятога Язафата пры Беларускай царкве ўваскрасеньня Хрыстовага ў Антвэрпэне, правялі памінальнае набажэнства і мітынг у памяць Міколы Равенскага.
Аўтар музыкі гімну «Магутны Божа» памёр 9 сакавіка 1953 г. і пахаваны ў Лювэне.
Ганаровымі ўдзельнікамі мерапрыемства сталі прадстаўнікі Рады БНР у Бэльгіі Янка Жучка і Аляксей Арэшка, што асабіста ведалі кампазытара. Луналі бел-чырвона-белыя сьцягі й харугва Згуртаваньня беларускае моладзі, зробленая ў 1948 г. Па паніхідзе на магіле кампазытара запалілі сьвечку — сымбаль памяці. Прасьпявалі «Магутны Божа», а скончылі ўсё супольным ламаньнем хлеба і келіхам віна.
Як зазначыў у камэнтары «НН» прэс-сакратар БЭЗу Сяргей Пашкевіч, паўстае праблема догляду могілак беларускіх дзеячаў, пахаваных на эміграцыі: магілы бяз догляду могуць быць зьнішчаныя. Найбліжэйшым клопатам БЭЗу мае стаць месца пахаваньня прэзыдэнта БНР Міколы Абрамчыка ў Парыжы.
АШ
Цяпер чытаюць
«Дыялект падазроны». Спявак Сярога прыйшоў на расійскае рэаліці і сабраў усіх хэйтараў6
Каментары