Rasijskaja «Novaja hazieta» nadrukavała dakumient, pavodle jakoha sacyjalnaja sietka «VKontaktie» nibyta aktyŭna supracoŭničała sa śpiecsłužbami ŭ spravie kantrolu nad palityčnaj aktyŭnaściu svaich udzielnikaŭ.
«My ŭžo šmat hadoŭ supracoŭničajem z FSB i adździełam „K“ MUS, apieratyŭna vydajučy infarmacyju ab tysiačach karystalnikaŭ našaj sietki ŭ vyhladzie
Heta vytrymka ź lista, jaki ŭ śniežni 2011 hoda nibyta nakiravaŭ uładalnik «VKontaktie» Pavieł Duraŭ tahačasnamu namieśniku kiraŭnika prezidenckaj administracyi Rasii Viačasłavu Surkovu. Aŭtar lista zapeŭnivaje vysokaha čynoŭnika, što «VKontaktie» budzie i dalej «dapamahać dziaržaŭnym słužbam pieraškadžać raspaŭsiudu hvałtu i chaosu». Što havorka nie tolki pra pieradaču adrasoŭ sapraŭdnych złačyncaŭ pavodle rašeńniaŭ sudoŭ, śviedčać razvažańni aŭtara pra vyniki mahčymaha błakavańnia hrupaŭ u sietcy «VKontaktie». Aŭtar miarkuje, što heta pryviadzie tolki da pierachodu karystalnikaŭ u amierykanskuju sacyjalnuju sietku «Fejsbuk», ale nie ścišyć aktyŭnaść apazicyjanieraŭ.
«U ciapierašnich umovach ja asabista viadu
Kiraŭnik presavaj słužby «VKontaktie» Hieorhij Lubuškin, jaki spasłaŭsia na Paŭła Durava, abvierh sapraŭdnaść lista ŭ «Novaj haziecie».
«Pavieł nie paćviardžaje aŭtarstva, pryčym kateharyčna. Skazaŭ, što heta sucelnaja łuchta»,— zajaviŭ Lubuškin. Były kiraŭnik
Pavodle Cypłuchina, u śniežni 2011 hoda Duraŭ, spasyłajučysia na adsutnaść adpaviednaha sudovaha rašeńnia, nieadnarazova admaŭlaŭsia błakavać u sietcy hrupy mitynhoŭcaŭ, čaho patrabavali z administracyi prezidenta Rasii.
Uletku 2011 hoda ŭ Biełarusi rehularna prachodzili vuličnyja pratesty, jakija atrymali nazvu «maŭklivych akcyjaŭ», bo padčas ich ludzi nie vykazvali nijakich patrabavańniaŭ, a tolki źbiralisia ŭ peŭnych miescach i plaskali ŭ ładki. Arhanizacyja akcyjaŭ viałasia praz sajt «VKontaktie». Tam uźnikła hrupa «Revalucyja praz sacyjalnuju sietku», administrataram jakoj byŭ Viačasłaŭ Dzijanaŭ. Paśla taho jak milicyja pačała masava zatrymlivać udzielnikaŭ maŭklivych akcyjaŭ, a sudy — karać ich administracyjnymi aryštami, pratesty ścišylisia. Viačasłaŭ Dzijanaŭ musiŭ źjechać ź Biełarusi ŭ Polšču, dzie atrymaŭ palityčny prytułak. 27 sakavika ja znajšoŭ jaho praz mabilny telefon u Ščecinie.
Jak Viačasłaŭ Dzijanaŭ kamientuje padazreńni, što «VKontaktie» supracoŭničaje sa śpiecsłužbami? Administratar hrupy «Revalucyja praz sacyjalnuju sietku» vieryć u supracoŭnictva ŭ abmiežavanym farmacie: što administracyja sietki pieradaje kantakty karystalnikaŭ na zapyt sudu ci pavodle dadzienych Interpołu, ale nie «vydaje» apazicyjanieraŭ. Voś arhumient, jaki padaje Viačasłaŭ Dzijanaŭ:
«Reputacyja sietki vielmi važnaja jaje ŭłaśnikam. Bo kali karystalniki buduć viedać, što ich dadzienyja mohuć być raskrytyja trecim asobam, to davieru da sietki nie budzie. Taksama nie budzie da jaje davieru z boku viadomych firmaŭ, kampanijaŭ, chołdynhaŭ, jakija prasoŭvajuć praź sietku svaje vyraby. Niepatrebna heta i inviestaram, jakija nie buduć układacca ŭ niaŭstojlivy pradukt. Tamu ja miarkuju, što heta niavyhadna „VKontaktie“, i tyja zapeŭnivajuć, što ich nie kantralujuć śpiecsłužby. Zrazumieła, što śpiecsłužbam u luboj krainie śvietu važna kantralavać infarmacyjnyja płyni. Kali na Zachadzie heta baraćba z teraryzmam, to ŭ nas heta baraćba z apazicyjaj, jak i ŭ Rasii. Śpiecsłužby ŭ nas zastalisia tyja samyja. Ale ja vieru słovam Paŭła Durava, što „VKontaktie“ nie davała infarmacyi pra apazicyjanieraŭ. I nie tamu, što Duraŭ taki apazicyjanier, a tamu, što jamu važna, kab u sacyjalnaj sietki była dobraja reputacyja i kab jana raźvivałasia».
Viačasłaŭ Dzijanaŭ nie vyklučaje, što za historyjaj ź listom mohuć stajać ekanamičnyja kankurenty sietki «VKontaktie». «Heta moža być vyhadna „Fejsbuku“, heta moža być vyhadna „Odnokłaśśnikam“, choć jany ŭžo pamirajuć», — miarkuje administratar hrupy «Revalucyja praz sacyjalnuju sietku» na sajcie «VKontaktie».
Što da biełaruskich śpiecsłužbaŭ, Viačasłavu Dzijanavu nieviadoma pra vypadki, kab tyja źviartalisia da administracyi sietki «VKontaktie» pa źviestki pra naviednikaŭ sietki. Pavodle Dzijanava, biełaruskija śpiecsłužby paklopničali ŭ administracyju «VKontaktie» na hrupu «Revalucyja praz sacyjalnuju sietku», što nibyta taja zaniesła virus ci ŭzłamała čyjści akaŭnt.
Čym ciapier zajmajecca Viačasłaŭ Dzijanaŭ? Ci nie žadaje jon znoŭ praź internet uskałychnuć situacyju ŭ Biełarusi?
«Miarkuju, maŭklivych akcyjaŭ u byłym farmacie ŭžo nie budzie. U mianie ciapier inšy kirunak dziejnaści, jaki ja mahu ahučyć. Šukaju prychilnikaŭ i resurs, na jakim možna budzie ažyćciavić ideju ab pavieličeńni koła pratestavych administrataraŭ, ab navučańni novych ludziej tamu, što nam viadoma. A kali budzie dastatkovaja kolkaść takich ludziej, tady možna budzie dumać i pra ŭsio inšaje».
Viačasłaŭ Dzijanaŭ nie płanuje ŭ najbližejšaj budučyni viartacca ŭ Biełaruś. Pavodle administratara hrupy, na jaho ŭ śpiecsłužbaŭ narychtavany kampramat, jaki hruntujecca na paklopie i prydumkach.
Kamientary