Apieracyjnaja sistema Windows 9 budzie pradstaŭlena 30 vieraśnia
Na śpiecyjalnaj pres-kanfierencyi 30 vieraśnia Microsoft anansuje papiaredniuju viersiju apieracyjnaj sistemy Windows 9 i raskaža pra jaje klučavyja asablivaści. Pra heta piša partał The Verge.
Padčas prezientacyi, jak pišuć ŚMI, buduć prademanstravanyja novaje mini-mieniu «Pusk», padtrymka virtualnych pracoŭnych stałoŭ i inšyja źmieny interfiejsu. Vierahodnym nazyvajuć i toje, što ŭ apieracyjnuju sistemu budzie ŭbudavany ułasny hałasavy pamočnik Cortana.
Hetaja prezientacyja stanie pieršaj bujnoj padziejaj dla Microsoft paśla taho, jak Satja Nadeła zaniaŭ pasadu kiraŭnika karparacyi, źmianiŭšy raniejšaha kiraŭnika Styva Bałmiera. Litaralna paru dzion tamu, 19 žniŭnia, Styŭ Bałmier vyjšaŭ sa składu savieta dyrektaraŭ, kančatkova pakinuŭšy kampaniju.
Paviedamlajecca, što papiaredniaja viersija Windows (pad kodavaj nazvaj Threshold) budzie dastupnaja ŭsim žadajučym karystalnikam, ale pry adnoj umovie — im pryjdziecca dać zhodu na aŭtamatyčnyja štomiesiačnyja abnaŭleńni płatformy. Jak čakajecca, poŭnaja viersija apieracyjnaj sistemy budzie dastupnaja ŭviesnu 2015 hoda.
U lipieni kampanija Microsoft ŭ paviedamleńni na svaim sajcie abviaściła, što 13 studzienia 2015 hoda spynić bazavuju padtrymku apieracyjnaj sistemy Windows 7. Adnak heta nie aznačaje zaviaršeńnia pradastaŭleńnia aŭtamatyčnych vypraŭleńniaŭ, abnaŭleńniaŭ abo techničnaj dapamohi. Pašyranaja padtrymka budzie doŭžycca na praciahu piaci hadoŭ. Pastupovaja admiena padtrymki bolš rańnich viersij Windows adpaviadaje palitycy Microsoft, pavodle jakoj pradukty atrymlivajuć abnaŭleńni na praciahu peŭnaha terminu, ale nie mienš za 10 hadoŭ.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary