Dahetul aproč 2G ukraincy mahli karystacca tolki CDMA2000 u adnaho apieratara.
Try mabilnych apieratary, «MTS Ukraina», «Kijeŭstar» i «life:) Ukrajina» atrymali 3G-licenzii (IMT-2000 — UMTS), paviedamlaje ain.ua.
Adnu pałasu častot na aŭkcyjonie za 3,355 młrd hryvień (bolš za 123 młn dalaraŭ) nabyŭ life:), druhuju za 2,714 młrd hryvień (amal 100 młn dalaraŭ) vykupiŭ «MTS», prava na treciuju za blizkuju sumu atrymaŭ «Kijeŭstar».
3G-sietki źjaviacca va Ukrainie ŭ bližejšyja paŭhoda.
Pieršym čynam 3G-sietkami buduć pakrytyja Kijeŭ i inšyja harady-miljońniki. Chutkaść pieradačy źviestak praz 3G-sietki składzie jak najmieniej 2 Mbit/s. Taryfy pakul nieviadomyja, ale vidavočna, što jany buduć vyšejšymi za 2G-taryfy.
Kanviersija častot ad vajskoŭcaŭ da apierataraŭ pakul nie pačałasia, ale damova ab kanviersii musić być padpisanaja ciaham dvuch miesiacaŭ paśla apłaty častot. U Adesie, Kijevie i Lvovie kanviersija nie patrebnaja, razhortvać sietku tam možna ŭžo siońnia.
***
Dahetul va Ukrainie dziejničała tolki adna sietka, što farmalna padpadała pad aznačeńnie 3G — sietka pa technałohii CDMA2000 apieratara Utel («Ukrtelekam»). Jak i ŭ vypadku biełaruskaha apieratara «BiełSieł», jana patrabavała asobnaha abstalavańnia — śpiecyjalnych viersij smartfonaŭ, jakija padtrymlivali nie samyja raspaŭsiudžanyja ŭ śviecie častoty.
Razharnuć 3G-sietku pa šyrokaraspaŭsiudžanaj technałohii UMTS u 2009 hodzie ŭ apošni momant zabaraniŭ prezident Viktar Juščanka, jaki ličyŭ, što kanviersija častot paškodzić abaronazdolnaści krainy.
U Biełarusi pieršaja 3G-sietka standartu UMTS źjaviłasia ŭ 2009 hodzie u apieratara life:), u 2010 hodzie 3G padklučyli MTS i velcom. Sietka standartu CDMA2000 dziejničała ad 2003 hoda ŭ apieratara «BiełSieł». U 2015 hodzie ŭ Biełarusi musić źjavicca 4G-sietka (LTE), jaje stvareńniem zajmajecca infrastrukturny apieratar beCloud.
Ciapier čytajuć
«Kali vy pazakryvajecie ja**lniki»: złoŭleny na dopinhu amapaviec z Hrodna pakazaŭ svajo vysokakulturnaje abličča12
Kamientary