Struktura Alaksieja Aleksina vykuplaje adzin z bujnych pryvatnych bankaŭ Biełarusi — MTBank.
65,7% akcyj MTBanka naležyć fondu pramych inviestycyj SMH, uładalnikami jakoha źjaŭlajucca zasnavalniki aŭtachołdynhu «Atłant-M» Aleh Chusajenaŭ, Siarhiej Savicki i Ihar Malhin.
34% akcyj MTBanka naležać amierykanskamu inviestfondu Horizon Capital, jaki źjaŭlajecca pryvatnym inviestaram va Ukrainie, Małdovie i Biełarusi. «Mienavita Horizon Capital byŭ drajvieram hetaj ździełki», - kaža adna z krynic, znajomaja z chodam pieramovaŭ. Pavodle jaho słoŭ, svaje doli pradali i SMH, i Horizon Capital.
* * *
Imia Alaksieja Aleksina stali viadoma nieŭzabavie paśla taho, jak Juryj Čyž i źviazanyja ź im kampanii trapili pad sankcyi Jeŭrasajuza. Blizkija svajaki Aleksina (syn i žonka) stali ŭładalnikami łatvijskich kampanij, jakija raniej kantralavalisia «Trajpłam». Vosieńniu 2013 hoda Śledčy kamitet paviedamiŭ ab zatrymańni «zasnavalnika šerahu pradpryjemstvaŭ, jakija zajmajucca realizacyjaj naftapraduktaŭ, Alaksieja Aleksina» ŭ ramkach rasśledavańnia kryminalnaj spravy ŭ dačynieńni da namieśnika staršyni kancerna «Biełnaftachim» Uładzimira Vołkava. Ale biznesmen davoli chutka vyjšaŭ na volu.
Niadaŭna paviedamlałasia, što Aleksin uziaŭ pad kantrol kampaniju «Viales-Mit» (raniej «Trajpł-Viales»), jakaja vałodaje miasakambinatam u Maładziečnie i płanuje budaŭnictva dvuch bujnych śvinakompleksaŭ. Čyž skazaŭ, što jany z Aleksinym užo nie partniory.
Uletku 2014 Alaksiej Aleksin i źviazanyja ź im kampanii «Biełnaftahaz» i «Enierha Ojł» (byłoje «Trajpł Enierha») uvajšli ŭ lik zasnavalnikaŭ Miascovaha dabračynnaha fondu raźvićcia tenisa ŭ Biełarusi.
Krynica ŭ finansavaj śfiery zapeŭnivaje, što Aleksin ciapier u dobrych adnosinach z Alaksandram Šakucinym, jaki ŭznačalvaje Biełaruskuju fiederacyju tenisa.
Krynica ŭ bankaŭskich kołach ličyć, što «adna z pryčyn, pa jakoj vykuplajucca bankaŭskija aktyvy hetymi ludźmi, — heta mahčymaść finansavańnia pastavak enierhanośbitaŭ va ŭmovach sankcyj u dačynieńni da rasiejskich bankaŭ».
Ciapier čytajuć
Jak kupić kvateru ŭ Minsku, kali niama kamu dapamahčy? Zadajecca pytańniem biełarus, jaki adkładaje pa $1000 u miesiac i ŭsio adno ŭ adčai4
Jak kupić kvateru ŭ Minsku, kali niama kamu dapamahčy? Zadajecca pytańniem biełarus, jaki adkładaje pa $1000 u miesiac i ŭsio adno ŭ adčai
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8686
Kamientary