U siaredzinie tydnia ŭ Biełaruś pryjduć samyja sapraŭdnyja marazy.
«Skančajecca peryjad anamalna ciopłaha nadvorja», — padkreśliła ŭ interviju «Biełaruskim navinam» načalnik adździeła meteaprahnozaŭ Biełhidrametcentru Ludmiła Paraščuk.
U čaćvier temperatura pavietra budzie składać ‑2…‑8, pry prajaśnieńniach da 10 marozu. Dniom — ‑1…‑7. Adčuvańnie choładu padvysić paŭnočny viecier.
U vychodnyja marazy akrepnuć. U subotu pa Biełarusi budzie ‑7…‑13. Pry prajaśnieńniach — da 16 hradusaŭ marozu. Udzień — ‑3…‑7. U niadzielu ŭnačy ‑9…‑14, miescami da minus 18. Udzień — ‑2…‑8, pa ŭschodzie da 11 marozu.
U čaćvier pojdzie śnieh, miescami — zavirucha. U niadzielu znoŭ buduć vadzić karahody śniažynki. Najbolš heta zaŭvažać na biełaruskaj Vilenščynie.
Praŭda, vyšynia śniežnaha pokryva nie pieravysić 3‑5 santymetraŭ. Pakul na bolšaj častcy terytoryi krainy śniehu niama naahuł. Vyniatak -- paŭnočny ŭschod Mahiloŭščyny. U rekardsmenach sioleta chodzić staražytny Amścisłaŭ, dzie śniežnaje pokryva składaje 15 santymentraŭ, kaža Ludmiła Paraščuk.
15 lutaha — Hramnicy pavodle julijanskaha kalendara — sustreča zimy i viasny. Kali ŭ hety dzień budzie soniejka, to sustreča zimy i viasny adbyłasia, kali nie — čakaj jašče marazoŭ. Ranicaj śnieh — darańniaha ŭradžaju chleba, apoŭdni — da siaredniaha, da viečara ‑‑ poźniaha.
19 lutaha — Mikoła Ściudziony. Redki hod abychodzicca biez marazoŭ u hety dzień, jakija abiacajuć burnuju viasnu, suchoje i haračaje leta.
Ale, pavodle Ludmiły Paraščuk, marazy ŭ pačatku nastupnaha tydnia sasłabiejuć: «Nia vyklučana, što temperatury viarnucca da tych, jakija i byli apošnim časam, charakternych dla kanca sakavika».
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ103
Kamientary