Maładyja abyšli starych u pryniaćci składanych rašeńniaŭ
U luboj niezrazumiełaj situacyi pytaj starejšych. Ale kali mnoha alternatyŭ, vier maładziejšym.
Šviejcarskija psichołahi praanalizavali praces pošuku aptymalnaha rašeńnia maładymi i starymi pry roznaj kolkaści varyjantaŭ, piša N+1 sa spasyłkaj na publikacyju ŭ časopisie Cognition.
Ekśpierymient pakazaŭ: rašeńni na bazie papiaredniaha dośviedu starejšyja nasamreč prymajuć nie horš za maładych pry vybary ź dźviuch alternatyŭ. Ale ŭ vypadku 4-8 varyjantaŭ starejšyja prymajuć vyrašeńnie raniej, čym paśpiavajuć acanić usie mahčymyja varyjanty.
Upłyŭ stareńnia na pryniaćcie vyrašeńniaŭ byŭ pad pytańniem, chacia viadoma, što chutkaść i hnutkaść pracesaŭ myśleńnia z uzrostam padaje.
U chodzie ekśpierymientu 60 maładym ludziam siarednim uzrostam u 23,6 hady dy 61 pažyłomu čałavieku siarednim uzrostam u 71,3 hod prapanavali prahramu, što pakazvała dva vakna, u jakich adlustroŭvalisia ličby-«vyjhryšy». U adnym možna było, naprykład, za kožnyja čatyry sproby vyjhrać 24 bały, a ŭ druhim — 60 bałaŭ za kožnyja try sproby.
Staviłasia zadača vybrać vakno z najbolšym vyjhryšam ci najmienšym projhryšam. Pošuk aptymalnaha vakna zaniaŭ u maładych 32 i 30 sprob adpaviedna, u starych — 28 i 27. Vialikaj roźnicy ŭ stratehii nie było.
Kali ž voknaŭ stała 4 i 8, maładyja «pieramahli» ź likam 130 i 98 suprać 90 i 48 sprob u pošuku najbolšaha vyjhryšu i najmienšaha projhryšu adpaviedna. Pažyłyja ludzi chutčej prymali vyrašeńnie, ale jano mahło być daloka nie aptymalnym: jany chutka stamlalisia ad abjomu infarmacyi i pierastavali šukać aptymalnyja varyjanty siarod vialikaj kolkaści alternatyŭ.
Ciapier čytajuć
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie4
Kamientary