Minharsud skasavaŭ pastanovu suda Centralnaha rajona ŭ dačynieńni da Viačasłava Siŭčyka
Lidar ruchu «Razam» Viačasłaŭ Siŭčyk 24 listapada abskardziŭ u Minskim haradskim sudzie pastanovu suda Centralnaha rajona stalicy za ŭdzieł u akcyi apazicyi. U vyniku rašeńnie suda Centralnaha rajona admieniena, paviedamiŭ palityk.
28 kastryčnika Siŭčyk byŭ aštrafavany na 50 bazavych vieličyń (9 młn. rubloŭ) za ŭdzieł u niesankcyjanavanym «šeści nacyjanalnaha ściaha», jakoje prajšło ŭ centry Minska 10 kastryčnika. Sud Centralnaha rajona pryznaŭ jaho vinavatym pa artykule 23.34 Kodeksa ab administracyjnych pravaparušeńniach (parušeńnie paradku arhanizacyi abo praviadzieńnia masavaha mierapryjemstva).
Pry razhladzie kasacyjnaj skarhi Siŭčyk nie prysutničaŭ, adnak u sudzie byŭ jaho advakat. Pavodle słoŭ aktyvista, rašeńnie admieniena z-za pracedurnych parušeńniaŭ, u pryvatnaści jamu nie było paviedamlena ab razhladzie spravy ŭ sudzie Centralnaha rajona.
Zaznačym, što heta ŭžo druhi vypadak admieny rašeńnia suda ŭ dačynieńni da Siŭčyka pa pratakołach, składzienych na jaho za ŭdzieł u akcyjach apazicyi ŭ apošnija miesiacy. 3 listapada Minharsud admianiŭ rašeńnie sudździ Viktoryi Šabuni ad 9 kastryčnika ŭ dačynieńni da Siŭčyka ab vyniasieńni jamu štrafu ŭ 60 bazavych vieličyń (10,8 młn rubloŭ).
Abiedźvie spravy viernutyja ŭ sud Centralnaha rajona na razhlad inšym sudździoj. «Sutnaści heta nie mianiaje, sudzić mianie niama za što, dyj u Biełarusi niama niezaležnaha suda», — miarkuje palityk.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary