Biełaruski i ŭkrainski piśmieńniki ŭhanaravanyja premijaj imia Žyźnieŭskaha
26 studzienia ŭ Kijevie kala pomnika hieroju Niabiesnaj Sotni, biełarusu Michasiu Žyźnieŭskamu abvieščany laŭreaty pieršaj litaraturnaj premii «Voin Śviatła».
Pavodle rašeńnia žury, imi stali ŭkrainski piśmieńnik Bahdan Žałdak — za knihu «Ukry» pra rasiejska-ŭkrainskuju vajnu na Danbasie i homielski piśmieńnik Anatol Baroŭski — za raman «Volaj abrany», pryśviečany nacyjanalna-vyzvolnaj baraćbie biełaruskaha narodu suprać Rasiejskaj imperyi ŭ 1863–1864 hadach, losu kiraŭnika paŭstańnia Kastusia Kalinoŭskaha i jaho naračonaj Maryi Jamant.
«Dla mianie heta duža pryjemna, bo heta pieršaja ŭkrainska-biełaruskaja premija imia našaha słavutaha zmahara i ziemlaka, hieroja Majdanu», — skazaŭ Radyjo Svaboda Anatol Baroŭski.
Premiju «Voin Śviatła» zasnavali pa vynikach ukrainska-biełaruskaha seminaru, jaki prachodziŭ u lipieni 2015 hodu ŭ Kijevie i tyčyŭsia prablemaŭ i dasiahnieńniaŭ nacyjanalnych litaraturaŭ abiedźviuch krain. Jana maje ŭručacca ŭ pamiać Hieroja Niabiesnaj Sotni biełarusa Michaiła Žyźnieŭskaha, jaki zahinuŭ u studzieni 2014 hodu na Majdanie padčas revalucyi Hodnaści i Spraviadlivaści.
Pałažeńniem praduhledžana, što premijaj majuć uhanaroŭvać najlepšuju knihu prozy, vydadzienuju na biełaruskaj i ŭkrainskaj movach, u jakoj adlustroŭvajucca vysakarodnyja, mocnyja i aktyŭnyja hieroi — zmahary za svabodu, spraviadlivaść i ahulnačałaviečyja ideały.
Štohadovuju litaraturnuju premiju pamiaci hieroja Niabiesnaj Sotni Michasia Žyźnieŭskaha vyrašana ŭručać u stalicy Ŭkrainy 26 studzienia, u dzień narodzinaŭ Žyźnieŭskaha, jakomu sioleta spoŭniłasia b 28 hadoŭ.
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie20
Kamientary