U Kabule teraryst-śmiarotnik pryvioŭ u dziejańnie vybuchovaje prystasavańnie padčas demanstracyi, udzieł u jakoj prymali chazarejcy — adna z etničnych hrup Afhanistana. U vyniku vybuchu zahinuli nie mienš za 60 čałaviek, bolš za 200 atrymali ranieńni.
Pakul dakładna nieviadoma, kolki mienavita vybuchovych pryład było pryviedziena ŭ dziejańnie.
Demanstracyja była pryśviečana pratestu suprać budaŭnictva linii elektrapieradačy z Turkmienistana ŭ Kabuł. Chazarejcy patrabujuć, kab linija prajšła praz pravincyi, dzie pražyvaje hetaja etničnaja hrupa, tady jak ułady krainy śćviardžajuć, što heta pryniasie dadatkovyja straty i na hady zamarudzić budaŭnictva. Taksama Kabuł śćviardžaje, što rehijony, nasielenyja chazarejcami, i tak buduć elektryfikavanyja.

Kamientary