Daily Mail napisała pra paračku z Sucharava: 19 tysiač repostaŭ i 600 kamientaroŭ za sutki
Napačatku tydnia «Naša Niva» raźmiaściła fota, zroblenaje na vulicy Skrypnikava ŭ Minsku — na im vidać, jak niaścierpłaja maładaja paračka zaniałasia seksam prosta na vulicy.
Materyjał staŭ nadzvyčaj čytanym, vyklikaŭ roznyja pačućci ŭ čytačoŭ.
Ale, biessaromnyja maładziony pryciahnuli da siabie ŭvahu nie tolki ŭ Biełarusi — adzin z samych papularnych anhłamoŭnych sajtaŭ DailyMail.co.uk (406,6 miljonaŭ naviedvańniaŭ u miesiac) taksama pierastaviŭ našumiełaje fota z zahałoŭkam «Don't Just Do It».
Aŭtar iranizuje z taho, što hałoŭny «hieroj» fota adziety ŭ bajku ź vialikim łahatypam Nike, a Just Do It (Prosta zrabi heta) — viadomy rekłamny słohan hetaj firmy.
Ciaham sutak hetaj publikacyjaj užo padzialilisia 19 tysiač čałaviek, a kolkaść kamientaroŭ pad materyjałam nabližajecca da 600.
«Imavierna, jana była apranutaja ŭ bajku sa słohanam McDonald's «I'm lovin' it» (Mnie heta padabajecca), — iranizuje kamientatar z Brytanii.
«Moža być, heta prosta treniroŭka alimpijskich himnastaŭ i nieŭzabavie my ŭbačym ich u Rya?» — piša jašče adzin.
«Minsk, mabyć, vielmi sumny horad, kali moładź zabaŭlaje siabie takim čynam. Ale, ja ŭražany jaje hnutkaściu. Kali milicyja choča jaje adšukać i pakarać za chulihanstva, to chaj najpierš zahlanuć u centry johi i cyrk», — dadaje inšy.
«Mnie soramna pryznavacca, ale kali b heta adbyvałasia pad maimi voknami, ja b dahladzieŭ da kanca», «Pamiatajecca, ja ŭbačyŭ, jak sabaki źlilisia prykładna ŭ takoj ža pozie i maja staraja maci prykłała šmat vysiłkaŭ, kab patłumačyć mnie, što adbyvajecca. A ciapier Boh viedaje jak patłumačyć dziejańni hetaj pary maim unukam», — pišuć inšyja.
Darečy, minskaja milicyja abvierhła fakt publičnaha seksu na vulicy Skrypnikava.
Ale achvotnyja mohuć jašče raz zirnuć na fota i paraŭnać jaho z panaramaj vulicy Skrypnikava ŭ «Jandeks mapach».
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary