Na hetym tydni prahnazujecca niaŭstojlivaje daždžlivaje nadvorje, paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
Pavodle jaho słoŭ, najbolš daždžlivaje nadvorje čakajecca ŭ pačatku tydnia z prychodam aktyŭnych atmaśfiernych frantoŭ z Zachodniaj Jeŭropy.
U aŭtorak nočču na bolšaj častcy terytoryi, dniom pieravažna pa ŭschodzie krainy karotkačasovyja daždžy, navalnicy, pry navalnicach miescami škvalistaje ŭzmacnieńnie vietru paryvami da 15—20 m/s i mocnyja liŭni. Nočču i ranicaj u asobnych rajonach tuman. Tempieratura pavietra ŭnačy plus 10—17°S, pa paŭdniovym uschodzie plus 18—20°S, dniom plus 21—27°S.
U sieradu nočču miescami, dniom na bolšaj častcy terytoryi karotkačasovyja daždžy, u asobnych rajonach navalnicy. Tempieratura pavietra ŭnačy plus 9—15°S, dniom plus 18—25°S.
«Dalej z rostam atmaśfiernaha cisku daždžoŭ stanie krychu mienš i ŭ Biełaruś pačnie pastupać bolš ciopłaje pavietra ź Mižziemnaha mora», — adznačyŭ sinoptyk.
U čaćvier miescami karotkačasovyja daždžy, dniom u asobnych rajonach mahčymy navalnicy. Nočču i ranicaj miescami słaby tuman. Tempieratura pavietra ŭnačy plus 9—16°S, dniom plus 21—28°S.
U piatnicu ŭ asobnych rajonach karotkačasovyja daždžy, navalnicy. Tempieratura pavietra ŭnačy plus 12—18°S, dniom plus 22—29°S, pa paŭdniovaj pałovie plus 30—32°S.
U subotu miescami karotkačasovyja daždžy, navalnicy. Tempieratura pavietra ŭnačy plus 15—21°S, dniom plus 27—33°S, pa paŭnočnym zachadzie plus 20—26°S.
U niadzielu miescami karotkačasovyja daždžy, navalnicy. Tempieratura pavietra ŭnačy plus 12—19°S, dniom plus 21—28°S.
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary