Siabar pskoŭskich školnikaŭ Dzianisa Muraŭjova i Kaciaryny Ułasavaj, jakija zahinuli 14 listapada, paviedamiŭ vydańniu «Snob», što Dzianis źbiraŭsia zastrelić Kaciarynu. Karespandentka «Snoba» pahutaryła ź siabrami i svajakami školnikaŭ
«Dzianis, pierad tym, jak strelić u Kaciu, napisaŭ siabru, što budzie stralać Kaci ŭ patylicu, tamu što joj strašna, i jon skazaŭ, kab joj nie było strašna, chaj pavierniecca śpinoj. Skazaŭ Kaci: ustań śpinoj», — raspavioŭ surazmoŭca «Snoba».
«Nastaŭniki ŭ škole złujucca, kali čujuć, što dzieci abmiarkoŭvajuć Dzianisa i Kaciu, pieraryvajuć razmovy na pierapynkach. Kažuć, što Dzianis z Kaciaj sami vinavatyja i niama pra što havaryć», — dadaŭ jon.
Dzieviacikłaśniki Dzianis i Kaciaryna ŭciakli z domu 11 listapada i pryjechali ŭ Struhi Krasnyja pad Pskovam. 14 listapada da doma, u jakim jany schavalisia, pryjechała palicyja. Školniki znajšli ŭ domie zbroju ajčyma Kaciaryny, jaki słužyŭ u śpiecnazie, i pačali stralać pa palicyjantach. Paźniej jany apublikavali ŭ sacsietkach pieradśmiarotnyja zapiski. Kaciaryna napisała, što Dzianis nie trymaje jaje ŭ zakładnikach.
Usio, što adbyvałasia padletki tranślavali ŭ internet. U tranślacyi jany zajavili pra kanflikt z baćkami, a potym skazali, što ŭ ich skončylisia patrony. Kali palicyjanty pačali šturm doma, jany znajšli ŭžo miortvych padletkaŭ. U palicyi skazali, što dzieci pakončyli z saboj. Kaciarynu i Dzianisa pachavali 16 listapada ŭ Pskovie.
Čytajcie taksama:
U Rasii zakachanyja padletki abstralali palicejskich i raźvitalisia z žyćciom u žyvym efiry VIDEA
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary