U ludziej, jakija žyvuć blizka da zahružanych aŭtadaroh, čaściej, čym u astatnich, raźvivajecca pryrodžanaja demiencyja, havorycca ŭ daśledavańni, apublikavanym kanadskim časopisam Lancet.
Jak pakazała daśledavańnie, u ludziej, damy jakich znachodziacca na adlehłaści 50 mietraŭ abo mienš ad zahružanych daroh ryzyka raźvićcia demiencyi ŭ siarednim vyšejšaja na siem pracentaŭ. Vinoj tamu — zabrudžanaje pavietra.
«Zabrudžvalnyja rečyvy z pavietra traplajuć u kroŭ i mohuć vyklikać zapaleńnie, jakoje źviazvajuć z chvarobami serca. U dadzienym daśledavańni śćviardžajecca, što tyja ž rečyvy pa kryvacioku traplajuć taksama ŭ mozh, što moža pryvieści da nieŭrałahičnych prablemaŭ», — kaža suaŭtar daśledavańnia, supracoŭnik prahram pa achovie zdaroŭja viedamstva štata Antaryjo Rej Koŭps.
U ramkach daśledavańnia kamanda navukoŭcaŭ praanalizavała miedycynskija dadzienyja 6,5 młn žycharoŭ Antaryjo va ŭzroście ad 20 da 85 hadoŭ. U pieryjad z 2001 pa 2012 hod u žycharoŭ štata było vyjaŭlena bolš za 243 tysiačy vypadkaŭ demiencyi.
Zatym navukoŭcy nanieśli miesca žycharstva ludziej, u jakich raźviłasia demiencyja, na kartu, źviartajučy ŭvahu na adlehłaść ich damoŭ ad zahružanych daroh.
Pa miery addaleńnia ad daroh ryzyka raźvićcia demiencyi pamianšajecca: u ludziej, jakija žyvuć na adlehłaści ad 50 da 100 mietraŭ ad darohi, imaviernaść raźvićcia ŭsiaho na 4 adsotki vyšejšaja za siaredni pakazčyk, ŭ tych, chto žyvie na adlehłaści ad 100 da 200 mietraŭ - na dva pracenty, a kali čałaviek žyvie za dźvieście mietraŭ ad darohi, to dadatkovaja ryzyka źnikaje całkam.
Dyjahnaz starečaj demiencyi - adzin z samych raspaŭsiudžanych u śviecie. Čakajecca, što da 2050 hoda kolkaść chvorych uźlacić ź ciapierašnich 44 da 135 miljonaŭ čałaviek. Kožny hod heta zachvorvańnie abychodzicca śvietu ŭ 604 młrd dalaraŭ.
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary