«Ja alfons. Vyzvalicie mianie ad padatku za darmajedstva»

Ukaz №200 kiraŭnika krainy dazvalaje miascovym uładam «u asablivych vypadkach» vyzvalać ad vypłaty znakamitaha padatku za darmajedstva. Jeŭraradyjo parazmaŭlała z čynoŭnikami niekalkich rajvykankamaŭ i daviedałasia, što pišuć u takich zajavach.

Pavialičyć

Kobryn: «Dumała, u nas zhublenaje pakaleńnie. A akazvajecca, što zusim nie»

«Ja dumała, što ŭ nas zhublenaje pakaleńnie. A akazvajecca, što zusim nie. Vielmi šmat zajavaŭ, napisanych unukami. Pišuć, što jany vielmi lubiać svaich babul i dziadulaŭ, što vielmi pilna ich dahladajuć. Baćki ŭ hetych maładych ludziej na piensii, nie pracujuć, ale voś babul dahladajuć čamuści mienavita ŭnuki… Jašče čamuści mužčyny ŭ asnoŭnym źviartajucca. Mužčyny, mužčyny, mužčyny. Mužčyna adzin voś prychodziŭ, tak dobra vyhladaŭ. Chacieŭ zajavu napisać, ale kali daviedaŭsia, što my pryjedziem da jaho dadomu, to zaviarnuŭsia i pajšoŭ. Skazaŭ tolki, što «ŭpakavany», - raskazvajuć u finansavym adździele Kobrynskaha rajvykankama.

Tut prymajuć pa 2-3 zajavy ab vyzvaleńni ad darmajedskaha padatku ŭ dzień. Čynoŭnica taksama raskazvaje, što vielmi šmat prośbaŭ ad vypusknikoŭ roznych navučalnych ustanovaŭ. Adnym ciažka znajści pracu, inšyja prosta nie paśpieli hetaha zrabić.

Słonim: «Kali čałaviek vyjazdžaŭ za miažu, to jon maje hrošy»

«Šmat takich vypadkaŭ, kali maładyja paśla instytutaŭ šukajuć pracu, ale ŭ Słonimie nie mohuć jaje znajści. A na biržu nie iduć, kažuć, što soramna. Maŭlaŭ, małady, ź Minska pryjechaŭ, a pracy niama… Častku zajavaŭ my zadavalniajem.

Zaprašajem takich ludziej da nas na pasiedžańnie kamisii. Pytajem, čamu nie pracujuć, što i jak. Na miescy vyjazdžajem pierad hetym… My ŭsio praviarajem. Zapyt u padatkovuju dasyłajem, hladzim vyjezd za miažu. Naturalna, kali čałaviek vyjazdžaŭ za miažu, to jon maje hrošy, jon moža zapłacić. Traplajucca takija vypadki. Admaŭlajem u lhocie tady», - kažuć u vykankamie.

Tut atrymali kala 50 zajavaŭ ab vyzvaleńni ad padatku. Razhledzieć paśpieli 30. Ź ich zadavolili «tolki 3-4».

Mazyr: «Studentaŭ vielmi mnoha, chto płatna vučyŭsia i nie mieŭ nakiravańnia»

«Časta pišuć tolki adzin radok: «Prašu vyzvalić, bo ŭ mianie składanaje materyjalnaje stanovišča». My tady jedziem pravieryć. Na žal, šmat u kaho nieba i ziamla. Pišuć adno, a doma zusim inšaje. Jašče studenty šmat zajavaŭ napisali. Jany ŭ minułym hodzie nie pracavali jašče, a ciapier užo ŭładkavalisia na zarobak pa 200-250 rubloŭ. Takim dajom ilhotu pa vypłacie. Ale ŭsio indyvidualna. Studentaŭ vielmi šmat, chto płatna vučyŭsia i nie mieŭ nakiravańnia…

Jašče maładyja mamy trapili, jakija nikoli nie pracavali. Kali ŭ ich žyllo jość, muž z zarobkam, to takaja zajava nie razhladajecca. Kali jana mama-adzinočka, kvatera zdymnaja, to, viadoma, vyzvalajem… Jašče byvaje, što niechta žyvie nieraśpisany, dziciaci da siami hadoŭ, i tady tut pytańnie jurydyčnaje. Muža jak byccam i niama, ale jon ža baćka. Kamisija źbirajecca raz na tydzień, vyjazdžajem i hladzim.

«U kabiniecie vyrašać takija spravy - nie daj boh. Ja na minułym tydni sama jeździła. Maładyja chłopcy, jakija ŭ 2015 hodzie nidzie nie pracavali, čamuści raptam masava dahladajuć svaich babul. A kali da takoj babuli pryjechać, to tam zusim inačaj usio. Viedajecie, byvaje, navat pišuć, što ja voś nie pracavaŭ, nie pracuju i pracavać nie budu - mianie žonka kormić i poić. Pramym tekstam. Adzin napisaŭ: «Ja alfons!». Tolki maładych studentaŭ škada, jany voś nie mahli nikudy padziecca ŭ 2015 hodzie», - raskazvaje načalnica finadździeła rajvykankama Mazyra.

Usiaho ŭ Mazyrskim rajonie vysłali kala 12 tysiač «listoŭ ščaścia». 140 čałaviek napisali zajavy z prośbaj vyzvalić ich ad vypłaty zboru. Pa słovach čynoŭnikaŭ, na dadzieny momant zadavolili prykładna 2-3% z apracavanych prośbaŭ.

• 0
• 0
• 0
• 0
• 0
• 0
• 0
• 0