Rašeńnie Polščy nie kuplać elektraenierhiju Astravieckaj AES (BiełAES) paćviardžaje racyju Litvy z nahody taho, što hetaja stancyja ŭjaŭlaje pahrozu dla ŭsiaho rehijonu, zajaviła prezident Litvy Dala Hrybaŭskajcie.
«Hetaja navina źjaŭlajecca dla nas važnaj i vielmi pazityŭnaj tamu, što adkazvaje i našaj pazicyi, i razumieńniu pahroz, jakija pradstaŭlaje AES u Astraŭcy. Vielmi važna, što heta robić adna z najbujniejšych krain, jakaja mahła stać patencyjnym pakupnikom elektraenierhii, čaho damahalisia Rasija i Biełaruś», — zajaviła ŭ aŭtorak u Vilni žurnalistam Dala Hrybaŭskajcie.
Pavodle jaje słoŭ, namiery Polščy i Litvy nie kuplać elektraenierhiju z AES u Astraŭcy — heta vialiki cisk na budučyniu hetaj stancyi. «U što heta pieratvorycca — zavieršycca ci budaŭnictva hetaj stancyi, ci prosta budzie spynieny dostup hetaj elektraenierhii da jeŭrapiejskich ŁEP — mahčyma čas pakaža. Ale toje, što my atrymali jašče adnu krainu, jakaja padtrymlivaje našu pazicyju, jašče raz paćviardžaje i našy słovy pra toje, što hetaja atamnaja stancyja źjaŭlajecca pahrozaj nie tolki dla Litvy, ale i dla ŭsiaho rehijonu», — skazała prezident krainy.
Kamientary