11 krasavika 2017 hoda Microsoft spyniła padtrymku adnoj ca svaich samych niaŭdałych apieracyjnych sistem — Windows Vista. Dla jaje nie buduć vypuskacca abnaŭleńni biaśpieki, u suviazi z čym Microsoft rekamienduje pierajści na bolš novyja viersii Windows, piša Tut.by.
30 studzienia 2007 hoda karystalnikam stała dastupnaja novaja viersija apieracyjnaj sistemy Microsoft — Windows Vista. Pieršapačatkova zdavałasia, što novaja AS stanie krokam napierad u paraŭnańni sa zvyšpapularnaj Windows XP, jak minimum za košt lohka-pavietranaha interfiejsu Aero Glass z napaŭprazrystymi voknami, zamieny Alt+Tab — Windows Flip 3D, adlustravańnia pracoŭnaha stała Aero Peek i hetak dalej.
Adnak na pavierku vyjšła, što novy interfiejs zmahli «paciahnuć» daloka nie ŭsie kampjutary taho času, sistema vykarystoŭvała značna bolš resursaŭ kampjutara i pry hetym była bolš pavolnaj, čym papiarednica. Akramia taho, User Account Control časta razdražniaŭ karystalnikaŭ, zadajučy navat u rucinnych apieracyjach šmat pytańniaŭ.
Usio heta pryviało da taho, što karystalniki nie śpiašalisia pierachodzić na Vista, zastajučysia na XP až da relizu značna bolš udałaj Windows 7 u 2009 hodzie. Taki chutki vypusk novaj viersii byŭ abumoŭleny mienavita słabymi prodažami Vista.
Za svaju niadoŭhuju historyju dola sistemy na Windows-kampjutarach nie pieravyšała 26% (dla paraŭnańnia: u Windows XP było 63%). Pa stanie na sakavik 2017 dola Vista źniziłasia da 0,72%.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary