Biełaruska-rasijskija vučeńni «Zachad-2017» nie nakiravany na toje, kab na kahości napadać, u čym zmohuć pierakanacca zaprošanyja zamiežnyja naziralniki.
Pra heta zajaviŭ Alaksandr Łukašenka siońnia na naradzie z kiraŭnictvam Dziaržaŭnaha sakrataryjata Rady Biaśpieki Biełarusi, pravaachoŭnych orhanaŭ i viedamstvaŭ sistemy zabieśpiačeńnia nacyjanalnaj biaśpieki.
«Chacieŭ by napiaredadni pačatku aktyŭnaj fazy vučeńniaŭ «Zachad-2017» pačuć infarmacyju ad Ministerstva abarony, jakaja situacyja ŭ hetym płanie. Pry hetym chaču papiaredzić: chopić apraŭdvacca — abarončy charaktar našy vučeńni majuć, jašče niešta. Jość armija, jość sumiesnaja hrupoŭka Biełarusi i Rasii na zachodnim napramku. A kali jana isnuje — my ni ad kaho heta nie chavali —my jaje budziem vučyć vajavać. na ŭsialaki vypadak», - zajaviŭ biełaruski lidar.
«Napadać my ni na kaho nie źbirajemsia. A jakija buduć hetyja vučeńni — my zaprasili praktyčna ŭsich achvotnych. Niachaj pryjazdžajuć i hladziać», — padkreśliŭ Alaksandr Łukašenka
Kamientary