Sotni čałaviek sabralisia na akcyi la budynka parłamienta ŭ Tbilisi, kab apratestavać palicejskija rejdy, jakija prajšli ŭ niekalkich načnych kłubach u noč na 12 maja.
Akcyja pad nazvaj «Vychodź na vulicu za našu svabodu» była arhanizavana hramadskim rucham «Bieły šum», jak praciah stychijnych pratestaŭ, jakija pačalisia adrazu paśla śpiecapieracyi ŭ kłubach Bassiani i Cafe Gallery.
U chodzie siońniašniaj akcyi aktyvisty «Biełaha šumu» zapatrabavali adstaŭki premjer-ministra Hieorhija Kvirykašvili i ministra ŭnutranych spraŭ Hieorhij Hacharyja. Arhanizatary akcyi zajaŭlajuć, što buduć praciahvać pratesty da taho času, pakul ich patrabavańni nie buduć vykananyja.
Napiaredadni lidar ruchu «Bieły šum» Bieka Cykaryšvili byŭ zatrymany palicyjaj u administracyjnym paradku. Pavodle papiaredniaj infarmacyi, za niepadparadkavańnie palicyi i chulihanstva razam ź im u izalatary časovaha ŭtrymańnia byli dastaŭleny kala 70 čałaviek. Zatrymanyja abvinavačvajuć palicyju i śpiecnaz u «pieravyšeńni siły».
Ciapier čytajuć
«Kali vy pazakryvajecie ja**lniki»: złoŭleny na dopinhu amapaviec z Hrodna pakazaŭ svajo vysokakulturnaje abličča1
Kamientary