Сотні чалавек сабраліся на акцыі ля будынка парламента ў Тбілісі, каб апратэставаць паліцэйскія рэйды, якія прайшлі ў некалькіх начных клубах у ноч на 12 мая.
Акцыя пад назвай «Выходзь на вуліцу за нашу свабоду» была арганізавана грамадскім рухам «Белы шум», як працяг стыхійных пратэстаў, якія пачаліся адразу пасля спецаперацыі ў клубах Bassiani і Cafe Gallery.
У ходзе сённяшняй акцыі актывісты «Белага шуму» запатрабавалі адстаўкі прэм'ер-міністра Георгія Квірыкашвілі і міністра ўнутраных спраў Георгій Гахарыя. Арганізатары акцыі заяўляюць, што будуць працягваць пратэсты да таго часу, пакуль іх патрабаванні не будуць выкананыя.
Напярэдадні лідар руху «Белы шум» Бека Цыкарышвілі быў затрыманы паліцыяй у адміністрацыйным парадку. Паводле папярэдняй інфармацыі, за непадпарадкаванне паліцыі і хуліганства разам з ім у ізалятары часовага ўтрымання былі дастаўлены каля 70 чалавек. Затрыманыя абвінавачваюць паліцыю і спецназ у «перавышэнні сілы».
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам26
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары