Supracoŭniki rasijskich pravaachoŭnych orhanaŭ zatrymali kiraŭnika Fondu baraćby z karupcyjaj (FBK) Alaksieja Navalnaha adrazu ž paśla taho, jak jon vyjšaŭ na volu, adbyŭšy 30 sutak administracyjnaha aryštu. Pra heta paviedamiŭ načalnik štaba FBK Leanid Vołkaŭ.
«Alaksieja Navalnaha zatrymali na vychadzie sa śpiecpryjomnika. Adčynili dźviery — i tut ža praviali ŭ aŭtobus. I pavieźli ŭ nieviadomym kirunku», — napisaŭ Vołkaŭ u svaim tvitary.
Hetuju infarmacyju paćvierdziŭ i karespandent telekanała «Dožd́», jaki znachodziŭsia la śpiecpryjomnika ŭ momant zatrymańnia. Kanał apublikavaŭ videazapis zatrymańnia. Na kadrach vidać, što supracoŭniki palicyi sustreli apazicyjaniera niepasredna kala bramy śpiecpryjomnika i pasadzili ŭ palicejskuju «Hazel», nie daŭšy parazmaŭlać ź ludźmi, što jaho sustrakali.
Paźniej stała viadoma, što ŭ dačynieńni Navalnaha raspačata novaja administracyjnaja sprava pa č. 4 art. 20.2 KaAP. Jana tyčycca parušeńniaŭ paradku praviadzieńnia mitynhaŭ, jakija paciahnuli za saboj «pryčynieńnie škody zdaroŭju čałavieka abo majomaści, kali hetyja dziejańni nie ŭtrymlivajuć kryminalna karalnaha dziejańnia», maksimalnaja sankcyja — administracyjny aryšt na 20 sutak.
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary