Premjer-ministr Rasii Dźmitryj Miadźviedzieŭ ličyć zaŭčasnymi i pazbaŭlenymi sensu razvažańni pra toje, jak mahła b nazyvacca valuta Sajuznaj dziaržavy. Takoje mierkavańnie jon vykazaŭ na pres-kanfierencyi pa vynikach pieramovaŭ z premjer-ministram Luksiemburha Ksaŭje Bietelam, piša TASS.
«Biessensoŭna kazać pra toje, dzie budzie emisijny centr, jak budzie nazyvacca valuta [Sajuznaj dziaržavy], pakul nie budzie praviedziena sumiesnaja praca pa ŭzhadnieńni asnoŭnych dakumientaŭ, na bazie jakoha hety sajuz pavinien pracavać», — padkreśliŭ Miadźviedzieŭ.
Ahułam ruch da intehracyi jon nazvaŭ «narmalnym i pravilnym». Adkazvajučy na prośbu prakamientavać šerah niadaŭnich krytyčnych vykazvańniaŭ na hety kont Alaksandra Łukašenki, Miadźviedzieŭ nahadaŭ, što kiraŭniki dźviuch dziaržaŭ užo sustrakalisia niadaŭna i abmiarkoŭvali hetaje pytańnie.
«Mnie zdajecca, što nad hetym treba pracavać, a nie prosta kazać pra toje, što «vidavočna Rasija ničoha nie choča, heta ŭsio dla prykryćcia», — ličyć premjer. — Kali b tak razvažali baćki-zasnavalniki Jeŭrapiejskaha sajuza, to nijakaha Jeŭrapiejskaha sajuza b nie było». «Uvohule luby sajuz zasnavany na daviery, a nie na kamientarach pra toje, u čym my kahości padazrajom, što tam prybiehli i na vucha skazali. Nie vielmi dobry šlach».
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary