Rabotnicy sałona mabilnaj suviazi prydumali niachitruju schiemu, jak kupić sabie ajfony i nie płacić za ich
Fihurantkami spravy stali 21-hadovaja maładziečanka i 19-hadovaja žycharka Vilejki. Dziaŭčaty pracavali ŭ Maładziečnie ŭ adnym z sałonaŭ mabilnaj suviazi. Adna na pasadzie staršaha administratara, inšaja — pradaŭca-kansultanta, paviedamlaje abłasnaja milicyja.
Ideja niezakonnaha ŭzbahačeńnia ŭźnikła ŭ ich u kancy minułaha hoda.
Dziaŭčyny nabyli sabie mabilnyja telefony P20 Lite koštam 600 rubloŭ kožny, aformiŭšy ŭ sałonie kredytnyja dahavory. Adnak zusim chutka žančyny «pakłali voka» na smartfony bolš novyja — nahledzieli apošni iPhone. U kamplekcie z aksesuarami košt adnaho takoha hadžeta byŭ kala 2 tys. rubloŭ. Admović sabie dziaŭčaty nie zmahli i abiedźvie aformili ŭ rasterminoŭku pa «ajfonie».
U vyniku ŭ ich atrymaŭsia doŭh na niemałuju sumu. Układvać hrošy asabliva nie chaciełasia, dy i pahašać štomiesiačnyja abaviazkovyja płaciažy nie było čym.
Zamiest taho kab znajści sabie zakonny sposab zarobku, jany prydumali niachitruju schiemu. U bazie dadzienych adznačali, što nibyta pravodzili vypłatu najaŭnymi, choć faktyčna hrošy ŭ kasu nie kłali. Z časam u sałonie ŭtvaryłasia niastača, jakuju dziaŭčyny pasprabavali schavać, darečy, znoŭ za košt pradpryjemstva.
Rabotnicy kramy pradali 9 mabilnych telefonaŭ biez kasavaha čeka, a atrymanyja srodki pakłali ŭ kasu sałona dla pahašeńnia niastačy. Akramia taho, fihurantki nieadnarazova «pazyčali» hrošy na asabistyja patreby. Nie admaŭlajuć i sami dziaŭčaty, što žyli jany vidavočna nie pa srodkach.
Pośpiech ašukanskich apieracyj doŭžyŭsia kala 9 miesiacaŭ: afioru raskryli staličnyja revizory. U chodzie invientaryzacyi jany vyjavili niedachop 9 mabilnych pryład ahulnym koštam zvyš 3 tys. rubloŭ, a ŭ kasie niedaličylisia paradku 900 rubloŭ. U cełym škodu kampanija acaniła ŭ 4 tys. rubloŭ.
Pa dadzienym fakcie była zaviedziena kryminalnaja sprava pa č. 2 art. 211 «Prysvajeńnie albo rastrata».
Za machinacyi žanočamu duetu pahražaje pazbaŭleńnie voli da 5 hadoŭ sa štrafam albo bieź jaho i z pazbaŭleńniem prava zajmać peŭnyja pasady abo zajmacca peŭnaj dziejnaściu abo biez pazbaŭleńnia.
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Kamientary