Pa fakcie rekordnaha chabaru 6 miljonaŭ dalaraŭ kiraŭnictvu NABU i SAP zatrymali troch čałaviek. Hrošy prapanoŭvalisia za zakryćcio kryminalnaj spravy, u jakoj fihuruje eks-ministr urada Azarava Mikałaj Złačeŭski. Pra heta paviedamili na bryfinhu kiraŭniki NABU i SAP, pieradaje RBK-Ukraina.
Chabar pryznačaŭsia za zakryćcio epizodu, u jakim Złačeŭski spryjaŭ u zavałodańni srodkami stabilizacyjnaha kredytu Nacyjanalnaha banka, vydadzienaha «Reał Banku».
Sama sprava była zarehistravana 3 červienia 2020 hoda. «Čamu takaja śpieška? Tamu što zaŭtra ŭ spadara Złačeŭskaha dzień naradžeńnia i byŭ płan dasiahnuć maksimalnaha vyniku i zakryć kryminalnuju vytvorčaść i zabiaśpiečyć viartańnie Złačeŭskaha va Ukrainu», — raspavioŭ Sytnik.
Pa słovach kiraŭnika NABU, padčas dačy chabaru byli zatrymanyja try čałavieki.
«Pieršy zatrymany — heta rabotnik dziaržaŭnaj padatkovaj słužby, jon pracuje pieršym namieśnikam načalnika HU HFS u Kijevie, druhi mieŭ dačynieńnie, ciapier heta praviarajecca, da kampanii Burisma i źjaŭlajecca davieranaj asobaj Złačeŭskaha, i treciaja asoba taksama rabotnik HFS i taksama davieranaja asoba Złačeŭskaha», — raspavioŭ Sytnik.
Sytnik taksama adznačyŭ, što heta rekordny chabar u historyi Ukrainy.
Učora ŭviečary detektyvy NABU zatrymali eks-čynoŭnika za daču kiraŭnictvu NABU i kiraŭniku śpiecyjalizavanaj antykarupcyjnaj prakuratury chabaru ŭ pamiery 6 młn dalaraŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam10
Kamientary