Па факце рэкорднага хабару 6 мільёнаў даляраў кіраўніцтву НАБУ і САП затрымалі трох чалавек. Грошы прапаноўваліся за закрыццё крымінальнай справы, у якой фігуруе экс-міністр урада Азарава Мікалай Злачэўскі. Пра гэта паведамілі на брыфінгу кіраўнікі НАБУ і САП, перадае РБК-Украіна.
Хабар прызначаўся за закрыццё эпізоду, у якім Злачэўскі спрыяў у завалоданні сродкамі стабілізацыйнага крэдыту Нацыянальнага банка, выдадзенага «Рэал Банку».
Сама справа была зарэгістравана 3 чэрвеня 2020 года. «Чаму такая спешка? Таму што заўтра ў спадара Злачэўскага дзень нараджэння і быў план дасягнуць максімальнага выніку і закрыць крымінальную вытворчасць і забяспечыць вяртанне Злачэўскага ва Украіну», — распавёў Сытнік.
Па словах кіраўніка НАБУ, падчас дачы хабару былі затрыманыя тры чалавекі.
«Першы затрыманы — гэта работнік дзяржаўнай падатковай службы, ён працуе першым намеснікам начальніка ГУ ГФС у Кіеве, другі меў дачыненне, цяпер гэта правяраецца, да кампаніі Burisma і з'яўляецца даверанай асобай Злачэўскага, і трэцяя асоба таксама работнік ГФС і таксама давераная асоба Злачэўскага», — распавёў Сытнік.
Сытнік таксама адзначыў, што гэта рэкордны хабар у гісторыі Украіны.
Учора ўвечары дэтэктывы НАБУ затрымалі экс-чыноўніка за дачу кіраўніцтву НАБУ і кіраўніку спецыялізаванай антыкарупцыйнай пракуратуры хабару ў памеры 6 млн даляраў.
-
Іранскія дзяржаўныя СМІ ўпершыню паказалі разбураную рэзідэнцыю Хаменеі пасля ўдару ЗША і Ізраіля ВІДЭА
-
У Польшчы расіяніну, які выдаваў сябе за апазіцыянера, далі сем гадоў калоніі за працу на ФСБ. Яго жонка таксама атрымала тэрмін
-
У ЕС зацвердзілі новыя правы авіяпасажыраў. Шмат чаго вы даўно чакалі
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам8
Каментары