Siarhiej Čeračań admaŭlajecca ad pikietaŭ. Ale budzie ahitavać za siabie
Fota Nadziei Bužan
Štab kandydata na prezydenta Siarhieja Čeračnia całkam admoviŭsia ad praviadzieńnia pikietaŭ, kab nie «razmyvać» hałasy. Adnak Siarhiej Čeračań budzie praciahvać ahitacyjnuju kampaniju: vystupać pa radyjo i telebačańni, udzielničać u debatach, davać intervju, piša Radyjo Svaboda.
«Ciapier jość kandydat, jakoha padtrymlivaje vialikaja kolkaść nasielnictva. Jość naša pazycyja: my zasiarodžvajemsia na inšaj metavaj aŭdytoryi — biznes-supolnaści, intelihiencyi. A ŭ ich krychu inšaja aŭdytoryja.
Ale my cudoŭna razumiejem, što im patrebnaja padtrymka. Kali my zaraz aktyŭna pačniom ahitavać i ŭ peŭnaj stupieni «razmyvać» hałasy, u dadzienaj sytuacyi heta nia budzie stratehična pravilnym rašeńniem. Z hetaj pryčyny my sapraŭdy pakul nie pravodzim pikiety», — patłumačyŭ Siarhiej Čeračań.
Raniej štab Siarhieja Čeračnia padaŭ 6 paviedamleńniaŭ ab praviadzieńni 138 pikietaŭ.
Adnak admiena pikietaŭ nie aznačaje, što kamanda Čeračnia zusim nia budzie pravodzić ahitacyjnuju kampaniju.
«Ja budu vystupać pa radyjo i telebačańni, u teledebatach, davać interviju i danosić tuju kancepcyju, tuju prahramnuju častku, jakuju raspracavała naša kamanda. To bok my budziem paŭnavartasna ŭdzielničać u hetaj kampanii. Ale pytańnie pa ahitacyi pakul u padviešanym stanie. Jakraz z pryčyny taho, što my razumiejem składanaść sytuacyi i nie chacieli b naškodzić», — kaža Siarhiej Čeračań.
Łukašenka zajaviŭ, što siam‘ja moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ35
Łukašenka zajaviŭ, što siam‘ja moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki3939
Kamientary